ލާމަރުކަޒީ ނިޒާމު ހަރުދަނާކޮށް، މީގެ ކުރިން މަރުކަޒީކޮށް ދެމުން ދިޔަ މުހިއްމު ހިދުމަތްތަކެއް ރަށްރަށުން ލިބޭނެ އިންތިޒާމު ހަމަޖެއްސުމަށް ސަރުކާރުން ކުރަމުން އަންނަ މަސައްކަތުގެ ދަށުން ބ. ދަރަވަންދޫގައި ރަސްމީކޮށް ޕާސްޕޯޓުގެ ދޭން ފަށައިފިއެވެ.
އިމިގްރޭޝަނުން ދޭ ޕާސްޕޯޓުގެ ހިދުމަތް އަތޮޅުތެރޭގެ ރަށްރަށަށް ފުޅާކުރުމުގެ މަސައްކަތުގެ ދަށުން ކޮންމެ އަތޮޅަކުން ވެސް މަދުވެގެން އެއްރަށުގައި މި ހިދުމަތް ލިބޭނެ އިންތިޒާމު ހަމަޖެއްސުމަށް ސަރުކާރުން ވަނީ ނިންމައިފައެވެ. އިމިގްރޭޝަނުން ބުނެފައިވާ ގޮތުގައި، ބ. އަތޮޅުން ޕާސްޕޯޓު ނެގުމަށް ބޭނުންވާ ފަރާތްތަކަށް ”އިމުގާ“ ޕޯޓަލް މެދުވެރިކޮށް އޮންލައިންކޮށް ޕާސްޕޯޓަށް ހުށަހަޅާއިރު ”ކަލެކްޝަން ޕޮއިންޓް“ ގެ ގޮތުގައި އޭދަފުއްޓާއި ދަރަވަންދޫ ހިޔާރުކުރެެވޭނެ ކަމަށެވެ.
ބ.ދަރަވަންދޫގައި މިއަދު ޕާސްޕޯޓުގެ ޚިދުމަތް ރަސްމީކޮށް ފެށުމަށް ބޭއްވުނު ހާއްސަ ހަފްލާގެ ތެރެއިން. މި ހަފްލާ ޝަރަފްވެރިކޮށްދެއްވީ އިމިގްރޭޝަންގެ ވަގުތީ ޒިންމާދާރުވެރިޔާ، ޗީފް ޕްރިންސިޕަލް އިމިގްރޭޝަން އޮފިސަރ އަޙްމަދު ވަޙީދު. މި ހަފްލާގައި ބ. ދަރަވަންދޫ ކައުންސިލްގެ ރައީސް ޢަލީ… pic.twitter.com/PT4szBvYyk
— Maldives Immigration (@ImmigrationMV) June 21, 2026
ދަރަވަންދޫގައި ޕާސްޕޯޓުގެ ހިދުމަތް ރަސްމީކޮށް ފެށުމަށް މިއަދު ބޭއްވި ހަފްލާ ޝަރަފްވެރިކޮށްދެއްވީ އިމިގްރޭޝަންގެ ވަގުތީ ޒިންމާދާރުވެރިޔާ، ޗީފް ޕްރިންސިޕަލް އިމިގްރޭޝަން އޮފިސަރ އަޙްމަދު ވަޙީދެވެ. މި ހަފްލާގައި ބ. ދަރަވަންދޫ ކައުންސިލްގެ ރައީސް ޢަލީ ސަމީޙާއި ކައުންސިލްގެ މެންބަރުންގެ އިތުރުން ރަށުގެ ރައްޔިތުންނާއި އިމިގްރޭޝަނުގެ އޮފިސަރުން ވަނީ ބައިވެރިވެފައެވެ.
ޕާސްޕޯޓު ހެއްދުމަށް އަތޮޅުތެރޭގެ ރަށްރަށުގެ ރައްޔިތުން އަންނަނީ، ބޮޑު ހޭދައެއްކޮށް މާލެއަށް ދަތުރު ކުރަމުންނެވެ. މި ހިދުމަތް ރަށްރަށުން ލިބެން ފެށުމާއެކު މާލީގޮތުން ރައްޔިތުން އުފުލަމުން ދިޔަ ބޮޑު ބުރައަކަށް ނިމުމެއް އަންނާނެ ކަމަށް އިމިގްރޭޝަނުން ދެކެއެވެ.
