އިމާމް އައްނަވަވީގެ 40 ޙަދީޘް (الأربعون النووية) ހިތުދަސްކުރުމަށް ޚާއްޞަކޮށްގެން ކުރިއަށްގެންދާ ޕްރޮގްރާމެއްގައި ބައިވެރިވުމުގެ ފުރުޞަތު މިނިސްޓްރީ އޮފް އިސްލާމިކް އެފެއާޒްއިން މިއަދު ހުޅުވާލައިފިއެވެ.
މި ޕްރޮގްރާމަކީ އިސްލާމީ ތަރުބިއްޔަތާއި ކައު އިތުރު ރަސޫލާ ﷺ ގެ ސުންނަތަށް ދިވެހި މުޖުތަމަޢުގެ ހިތްތަކުގައި ލޯބި އިތުރުކުރުމަށް ކުރިއަށްގެންދާ މުހިންމު ހަރަކާތެކެވެ. ޖުމްލަ 2 މަސް ދުވަހުގެ މުއްދަތަށް ކުރިއަށްގެންދިއުމަށް ހަމަޖެހިފައިވާ މި ޕްރޮގްރާމް ޚާއްޞަކޮށްފައިވަނީ އުމުރުން 6 އަހަރުން މަތީގެ ފަރާތްތަކަށެވެ.
އިސްލާމިކް މިނިސްޓްރީން މަޢުލޫމާތު ދޭ ގޮތުގައި، މި ޕްރޮގްރާމުގައި ބައިވެރިވާން އެދޭ ފަރާތްތަކުން ފޯމު ހުށަހެޅުމުގެ އެންމެ ފަހު ތާރީޚަކީ 30 ޖޫން 2026 އެވެ.
ޙަދީޘް ހިތުދަސްކުރުމުގެ ޕްރޮގުރާމުގައި ބައިވެރިވުމަށް ހުޅުވާލުން!
އިމާމް އައްނަވަވީގެ 40 ޙަދީޘް (الأربعون النووية) ހިތުދަސްކުރުމަށް ކުރިއަށްގެންދާ މި ޕްރޮގްރާމަކީ 6 އަހަރުން މަތީގެ ފަރާތްތަކަށް ޚާއްޞަކޮށްގެން 2 މަސް ދުވަހުގެ މުއްދަތަށް ކުރިއަށްގެންދާ ޕްރޮގްރާމެކެވެ.… pic.twitter.com/3mECiniJTI
— Ministry of Islamic Affairs & Endowments (@MVIaffairs) June 20, 2026
މި ޕްރޮގްރާމުގައި ބައިވެރިވުމަށްޓަކައި މިނިސްޓްރީން ޝާއިޢުކޮށްފައިވާ ޕޯސްޓަރުގައިވާ ކިއުއާރް (QR) ކޯޑު ސްކޭންކޮށްގެން ނުވަތަ މިނިސްޓްރީގެ ރަސްމީ ލިންކު މެދުވެރިކޮށް ރަޖިސްޓްރީ ކުރެވޭނެ އިންތިޒާމު މިހާރު ވަނީ ހަމަޖައްސާފައެވެ.
މިފަދަ ޕްރޮގްރާމްތަކަކީ ދިވެހި މުޖުތަމަޢުގައި އިސްލާމީ އަޚްލާޤާއި އުޞޫލުތައް ދެމެހެއްޓުމަށްޓަކައި ސަރުކާރުން ކުރިއަށްގެންދާ މުހިންމު މަސައްކަތްތަކުގެ ތެރޭގައި ހިމެނޭ ކަމެކެވެ. އެހެންކަމުން، ވީހާވެސް ގިނަ ކުދިންނާއި ބޮޑެތި މީހުން މި ފުރުޞަތުގެ ބޭނުން ހިފުމަކީ މިނިސްޓްރީގެ ވަރަށް ބޮޑު އެދުމެކެވެ.
