ދިވެހިރާއްޖެ ތާރީޚު ނުދެކޭ މިންވަރަށް ދަރަނިވެރިކޮށް، ގައުމުގެ އިގްތިޞާދު އިނދަޖައްސާލި ބައެއްގެ ވާހަކަ ދެއްކުމަކީ މިވަގުތު މުހިންމު ކަމެއް ނޫން ކަމަށް ބުނެ، އެމްޑީޕީގެ ޗެއާޕާސަން މުޙައްމަދު ނަޝީދު އެ ޕާޓީގެ ފޭލްވެފައިވާ ސިޔާސަތުތައް ދިފާއުކުރަން ނުކުމެވަޑައިގެންފިއެވެ.
ސަންގު ޓީވީގެ ’ޚަބަރަށްފަހު‘ ޕްރޮގްރާމްގައި ވާހަކަދައްކަވަމުން ނަޝީދު ވަނީ، ރާއްޖެ ދަރަނިވެރިކުރުވީ ކޮން ވެރިކަމެއްގައި ކޮން ބައެއްތޯ ބެލުމަކީ ”އިރެލެވެންޓް“ ނުވަތަ މުހިންމު ކަމެއް ނޫން ކަމަށް ވިދާޅުވެ، ބޮޑު އިހުމާލުތަކެއް ފޮރުވަން މަސައްކަތް ކުރައްވާފައެވެ. ނަޝީދު މިހެން ވިދާޅުވިއިރު، ރާއްޖޭގެ ދަރަނި އެންމެ ބޮޑަށް އިންތިހާއަށް އުފުލިގެން ދިޔައީ ނިމިދިޔަ އެމްޑީޕީގެ ސަރުކާރުގައެވެ.
އެމްޑީޕީގެ ވެރިކަން ނިމިގެން ދިޔައިރު ދައުލަތުގެ ދަރަނި ވަނީ 126 ބިލިއަން ރުފިޔާއަށް އަރާފައެވެ. މީގެ ތެރެއިން އެކަނިވެސް 60 ބިލިއަން ރުފިޔާއަކީ ނިމިދިޔަ ފަސް އަހަރު ތެރޭގައި އުފެއްދި ދަރަންޏެވެ. ނަމަވެސް، މި ބޮޑު ޖަރީމާގެ ޒިންމާ އުފުލުމުގެ ބަދަލުގައި ނަޝީދު ވިދާޅުވީ، ”ކާކުތޯ އެކަން ކުރީ، އަޅުގަނޑެއް ނުދަން އެ ބަހުސަކަށް“ ކަމަށެވެ.
ނަޝީދު މި މޭރުމުން ކުރީގެ ވެރިން ރައްޔިތުންގެ ބޮލުގައި އެޅުވި ދަރަނި ދިފާއުކުރުމުން މިއީ ރައްޔިތުންގެ ލޮލުގައި އަނދުން އެޅުވުމަށް ދައްކަވާ ވާހަކައެއް ކަމަށް ގިނަ ބަޔަކު ދަނީ ބުނަމުންނެވެ. އަދި ނަޝީދުގެ ސިޔާސަތުތައް ސާފު ކަމަށްވެސް ދަނީ ބުނަމުންނެވެ.
ޑޮލަރުގެ އަގު 21 ރުފިޔާއަށް އަރާފައިވާކަން ފާހަގަކުރައްވައި ނަޝީދު ވިދާޅުވީ، އެކަން ހައްލުކުރަން މިހާރުގެ ސަރުކާރަށް ކުރެވޭނެ ކަމެއް ނޯންނާނެ ކަމަށެވެ. އަދި ދަރަނީގެ މައްސަލަ ހައްލުކުރަން ސަރުކާރުން އެމްޑީޕީއާއެކު އިށީންނަން ޖެހޭނެ ކަމަށް ވިދާޅުވެ، ވެރިކަމުގެ ދަހިވެތިކަމުގައި ގައުމަށް ހެޔޮއެދޭ ކަމަށް ދެއްކެވުމަށް ނަޝީދު ވަނީ މަސައްކަތް ކުރައްވާފައެވެ. ”އެމްޑީޕީއަށް ހައްލު ހޯދޭނެ. އަޅުގަނޑަށްވެސް ހައްލު، އެނގޭ“ ކަމަށް ބުނެ ނަޝީދު ވަނީ ގައުމު ބަނގުރޫޓުކޮށްލި ބަޔަކަށް އަލުން ފުރުސަތު ދިނުމަށް ގޮވާލާފައެވެ. ނަޝީދު އެމްޑީޕީއަށް އަލުން ފުރުޞަތުދޭން ގޮވާލި އިރު، އެމްޑީޕީގެ 2 ވެރިކަން ނިމުނުއިރުވެސް އެބުނާ އިސްލާހުތަކެއް ޤައުމާއި ރައްޔިތުންނަށް ގެނެވިފައި ނުވުމުން ގިނަ ބަޔަކު ދަނީ ނަޝީދުއަށް ފާޑުކިޔަމުންނެވެ.
ތަފާސްހިބާތަކަށް ބަލާއިރު:
ރައީސް މައުމޫންގެ 30 އަހަރު: 5.7 ބިލިއަން ރުފިޔާގެ ދަރަނި.
ރައީސް ނަޝީދުގެ 3 އަހަރު: 17.3 ބިލިއަން ރުފިޔާގެ ދަރަނި އުފައްދައި، ޖުމްލަ 23 ބިލިއަނަށް އެރި.
ރައީސް ޔާމީންގެ 5 އަހަރު: 22.1 ބިލިއަން ރުފިޔާގެ ދަރަނި އުފައްދައި، ޖުމްލަ 45 ބިލިއަނަށް އެރި.
ރައީސް ޞާލިޙްގެ (އެމްޑީޕީ) 5 އަހަރު: 60 ބިލިއަން ރުފިޔާގެ ދަރަނި އުފައްދައި، ޖުމްލަ 126 ބިލިއަނަށް އެރި.
ނަމަވެސް، ރައީސް ޑރ. މުޙައްމަދު މުޢިއްޒުގެ ސަރުކާރުން އަންނަނީ މި ބޮޑު ދަރަނީގެ ތެރެއިން ޤައުމު ސަލާމަތްކުރުމަށް ހަރުދަނާ ފިޔަވަޅުތަކެއް އަޅަމުންނެވެ. އެގޮތުން އިތުރު ދަރަނި ނުނަގާ ކުރީގެ ވެރިން ނެގި ދަރަނިތައް ޚަލާސްކޮށް، އެމްޑީޕީގެ ސަރުކާރުން ރަހުނު ކޮށްފައިހުރި މުހިންމު ބިނާތައްވެސް ވަނީ ސަލާމަތް ކޮށްދެއްވާފައެވެ.
މީގެ ކުރިން ނަޝީދުވެސް ވަނީ ރައީސް މުޢިއްޒުގެ މި ހަރުދަނާ ފިޔަވަޅުތަކަށް މަރުޙަބާ ވެސް ދަންނަވާފައެވެ.
It is very encouraging that the government has paid back the Sukuk bond in full without taking on further debt.👏🏽👏🏽
— Mohamed Nasheed (@MohamedNasheed) April 2, 2026
ޤައުމުގެ އިޤްތިޞާދީ ބިންގާ މުގުރާލައި، ރައްޔިތުން ބޮޑު ދަރަނިވެރިކަމެއްގެ ތެރެއަށް ވައްޓާލި އެމްޑީޕީގެ އިސްވެރިން މިއަދު މަސައްކަތް ކުރަމުންދަނީ އެމީހުންގެ އިހުމާލުތަކުގެ ވާހަކަ ދެއްކުން ހުއްޓުވައި، އޮޅުވާލުންތަކުގެ ތެރެއިން އަލުން ސިޔާސީ މައިދާނުގައި ފައިތިލަ ސާބިތުކުރުމަށެވެ.
ދަރަނީގެ ވާހަކަ ދައްކަން ކަލޭމެން ލަދުގަންނަން ނުޖެހޭތަ? ހަމައިގަ ހުންނަ މީހުން ތިހެނެއް ނޫޅޭނެ ކޮބާ މުލިއާގެއިން ނެރުނީ ރާފުޅިތަޢް