ޤައުމުގެ ހަމަޖެހުން ނަގާލައި، ރައްޔިތުން އިންތިޚާބުކޮށްފައިވާ ގާނޫނީ ސަރުކާރު ބަދަލުކުރުމުގެ ނިޔަތުގައި އިދިކޮޅު އެމްޑީޕީން އެ ޕާޓީގެ ޗެއާޕާރސަން މުޙައްމަދު ނަޝީދު (އަންނި) އިސްވެ ހުރެ މިރޭ މާލޭގެ މަގުމަތީގައި ބާއްވާ ”ބޮޑު ބުރާސްފަތި“ މުޒާހަރާއަކީ މި ވެރިކަން ބަދަލުކުރުމަށް ފެށި މަސައްކަތެއް ކަމަށް އެ ޕާޓީން ހާމަކޮށްފިއެވެ.
މި މުޒާހަރާއާ ގުޅޭގޮތުން މައުލޫމާތު ދެއްވަމުން ދާންދޫ ދާއިރާގެ ކުރީގެ މެންބަރު ޔައުޤޫބު އަބްދުﷲ ވިދާޅުވީ، މިރޭ މަގުމައްޗަށް ނުކުންނަނީ އެނބުރި ގެއަށް ވަންނާކަށް ނޫން ކަމަށާއި، މި ފެށި މަސައްކަތް ނިންމާނީ މި ވެރިކަން ބަދަލުކޮށްފައި ކަމަށެވެ. މިއީ ޤައުމުގެ މަސްލަހަތު ގެއްލޭ ފަދަ ނުރައްކާތެރި ރޫހެއްގައި ފަށާ މަސައްކަތެއްގެ ގޮތުގައި ގިނަ ބަޔަކު ދަނީ ސިފަކުރަމުންނެވެ.
”އަޅުގަނޑުމެން މި ނުކުތީ ދެނެއް ނުވެއް ވަންނާނަން.. މިތިބީ ގެއަށް ވަންނާކަށް ނޫން.. މި ފެށި މަސައްކަތް ނިންމާނީ ކޮޅެއްގަ ޖައްސާފަ.. މާނައަކީ މިވެރިކަން ބަދަލުކޮށްފައޭ..“ ޔައުޤޫބު ވިދާޅުވިއެވެ.
ޔައުޤޫބު އިތުރަށް ވިދާޅުވީ، މި ސަރުކާރަކީ ރައްޔިތުންގެ އިތުބާރު އޮތް ސަރުކާރެއް ނޫންކަން ފުލުހުންނާއި ދައުލަތުގެ މުއައްސަސާތަކަށް އެނގޭ ކަމަށެވެ. އަދި ފުލުހުންނަށް އަމުރު ކުރިޔަސް، ރައްޔިތުންގެ ފިކުރާ ދެކޮޅަށް އެކަންކަން ތަންފީޒު ކުރަން ނުޖެހޭނެ ކަމަށް ވިދާޅުވެ، ފުލުހުންގެ ތެރޭގައި ބައިބައިވުން އުފެއްދުމަށް ވެސް އޭނާ ވަނީ މަސައްކަތް ކުރައްވާފައެވެ.
”ފުލުހުންގެ ތާއީދެއް މި ސަރުކާރަކަށް ނެތް. އަޅުގަނޑުމެންނަށް ޔަގީންވަނީ ފުލުހުންގެ އެއްބާރުލުން ލިބޭނެ ކަމަށް،“ ފުލުހުންގެ ގާނޫނީ ވާޖިބަށް ހުރަސްއެޅޭ ފަދަ މޭރުމަކުން ޔައުޤޫބު ވިދާޅުވިއެވެ.
މީގެ އިތުރުން، 2008 ވަނަ އަހަރުން ފެށިގެން އަމަލުކުރަމުންދާ ފެހި ޤާނޫނުއަސާސީއަކީ ”މުޒާހަރާ ޤާނޫނުއަސާސީ“ އެއްގެ ގޮތުގައި އޭނާ ސިފަކުރެއްވިއެވެ. އަދި މިވަގުތު އޮތް ހަމައެކަނި ހައްލަކީ މަގުމަތި ކަމަށާއި، މަގުމަތިން މި މަސައްކަތް ހުއްޓާނުލާ ކުރިއަށް ގެންދަން އެމްޑީޕީގެ ޤައުމީ މަޖިލީހުން ނިންމާފައިވާ ކަމަށްވެސް ޔައުޤޫބު ވިދާޅުވިއެވެ.
އެމްޑީޕީން މިފަދަ ހަރުކަށި ރޫހެއްގައި ޤައުމު ހަލަބޮލިކުރަން ނުކުންނައިރު، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ސަރުކާރުން ދަނީ ޤައުމުގެ ސަލާމަތާއި ރައްކާތެރިކަން ކަށަވަރުކުރުމަށް ގިނަ މަސައްކަތްތަކެއް ކުރަމުންނެވެ. އާންމު ރައްޔިތުންގެ ތެރެއިން ގިނަ ބަޔަކު ދެކޭގޮތުގައި، ސިޔާސީ ބޭނުމަކަށްޓަކައި ޤައުމުގެ އަމާންކަން ނަގާލުމަށް އެމްޑީޕީން ކުރާ މިފަދަ މަސައްކަތްތަކަކީ ޑިމޮކްރެސީގެ ރޫހާ ޚިލާފު، ޒިންމާދާރުކަން ކުޑަ އަމަލުތަކެކެވެ.
ޔަޢުޤޫބު ގޮރު ހަނޑާބަލަ.
އެމްޑީޕީ ވެރިކަމުގައި ވެސް މަގު މަތީގައި އިދިކޮޅުގެ ވެެރިކަމުގައި ވެސް މަގު މަތީގައި އާކަމެއް ނޫން ދޮއްތަ އަންނިގެ ވެރިކަމުގައި ރީކޯ މޫސަމެން މަގުމަތީގައި ކޯޓުހަދައި ބައެއްމީސްމީހުންގެ ގެދޮރު ނަގަންވެސް ހުކުމް ކޮޢްފަވޭ އެހެންވީމަ ތިޔަބައިގަނޑު މަގު މަތީގައި ވައްވައް ޖެހުމަކީ ދިވެހިންނަޢް އާކަމެއް ނޫން.