Tuesday, 17 November 2026
Ads by

މިއީ ވޯލްޑް ކަޕް ތާރީޚުގައިވެސް ޓީމަކަށް އެންމެ އިހާނެތިކޮށް ކަންތައް ކުރާ ފަހަރު: އިރާންގެ ކޯޗު

މިއީ ވޯލްޑް ކަޕް ތާރީޚުގައިވެސް ޓީމަކަށް އެންމެ އިހާނެތިކޮށް ކަންތައް ކުރާ ފަހަރު: އިރާންގެ ކޯޗު

2026 ޖޫން 15 ވަނަ ދުވަހު އެމެރިކާގެ ލޮސް އެންޖެލެސް ކައިރީގައިވާ އިންގްލްވުޑްގައި، ވޯލްޑް ކަޕްގެ ގްރޫޕް 'ޖީ' ގައި ނިއުޒިލޭންޑާ ދެކޮޅަށް ކުޅުނު މެޗު އެއްވަރުވުމުން، އީރާންގެ ހެޑް ކޯޗު އާމިރު ގަލެނޯއީ ދަނޑުން ފައިބައިގެން ދަނީ. | ފޮޓޯ: އޭޕީ

ފީފާ ވޯލްޑް ކަޕް ފުޓްބޯޅަ މުބާރާތުގެ ތާރީޚުގައިވެސް އީރާނަށް ވުރެ ބޮޑަށް އިހާނެތިކޮށް ހިތާފައިވާ ޓީމެއް އޮންނާނެ ކަމަށް ގަބޫލުނުކުރެވޭ ކަމަށް އެ ޓީމުގެ ކޯޗު އާމިރު ގަލެނޯއީ ބުނެފިއެވެ. އޭނާ މިހެން ބުނީ ވޯލްޑް ކަޕް ގްރޫޕް ޖީގައި ނިއުޒީލަންޑާ ދެކޮޅަށް ކުޅުނު މެޗަށްފަހު ނޫސްވެރިންނާ ވާހަކަދައްކަމުންނެވެ.

Ad Image
Ads by

ކޯޗު ގަލެނޯއީ ފާހަގަކުރި ގޮތުގައި، އީރާން ޓީމުގެ ކަންކަން ނިންމުމުގައި އެ ޓީމުގެ އެއްވެސް ބާރެއް ނެތެވެ. ”އީރާން ޓީމުގެ ހުރިހާ ކަމެއް ނިންމަނީ އެހެން ފަރާތްތަކުން. މިއީ ތާކުންތާކު ޖެހޭ ކަމެއް ނޫން،“ ކޯޗު ބުންޏެވެ.

އެމެރިކާއިން ކުރިމަތިކުރި ދަތިތަކުގެ ތަފްސީލު ދެމުން ގަލެނޯއީ ބުނީ، ނިއުޒީލަންޑް މެޗަށް ދެ ދުވަސް ކުރިން ލޮސް އެންޖަލިސްއަށް އައުމަށް އެދުމުން އެކަމަށް ހުއްދަ ނުލިބުނު ކަމަށެވެ. އަދި މެޗު ނިމުމުން އަރާމުކޮށްލުމަށްފަހު ޖެހިގެން އަންނަ ދުވަހު މެކްސިކޯއަށް އެނބުރި ދިއުމުގެ ފުރުސަތު ނުދީ، މެޗު ނިމުނު ގޮތަށް ވަގުތުން ފުރަން އެންގި ކަމަށްވެސް އޭނާ ހާމަކުރިއެވެ. މީގެ އިތުރުން، މާހައުލަށް ހޭނުމަށްޓަކައި ދެ ހަފުތާ ކުރިން އެމެރިކާއަށް ދިއުމަށް ކުރި އިލްތިމާސްއަށްވެސް ހުއްދަ ދީފައިނުވާކަން ކޯޗު ފާހަގަކުރިއެވެ.

ވޯލްޑް ކަޕް ފުޓްބޯޅަ މުބާރާތުގެ ގްރޫޕް ޖީގައި އީރާނާއި ނިއުޒިލޭންޑް ބައްދަލުކުރި މެޗަށް ފަހު، އީރާންގެ ޓީމު އެނބުރި މެކްސިކޯއަށް ދިއުމަށް އެމެރިކާގެ ލޮސް އެންޖެލެސް އެއާޕޯޓަށް ދިޔަ ތަނުން ކެޕްޓަން އަދި ފޯވާޑް މަހްދީ ތާރެމީ ވަނީ އެއާޕޯޓުން ހުއްޓުވައިފައެވެ.

މި މެޗާ ގުޅޭގޮތުން ނިއުޒީލަންޑްގެ ކޯޗު ޑެރެން ބީޒްލީ ބުނީ، މެޗުގެ ހުރިހާ ކަމެއްވެސް ދިޔައީ ވަރަށް ރަނގަޅަށް ކަމަށެވެ. ދަނޑުގެ ވިނަގަނޑާއި ސަޕޯޓަރުންގެ ފޯރިވެސް ރަނގަޅުކަން ފާހަގަކޮށް، އޭނާ ބުނީ ދިމާވި ހަމައެކަނި މައްސަލައަކީ މެޗުން މޮޅުނުވެވުން ކަމަށެވެ.

މި ހުރިހާ ދަތިތަކެއްގެ ތެރެއިންވެސް، ލޮސް އެންޖަލިސް ސްޓޭޑިއަމްގައި އީރާންގެ ސަޕޯޓަރުން ދިން ފޯރިގަދަ ތަރުހީބަށް ކޯޗު ޝުކުރު އަދާކުރިއެވެ. އޭނާ ބުނީ ސަޕޯޓަރުންގެ ފަރާތުން ފެނުނު ލޯތްބަކީ މެޗުން ލިބުނު ކާމިޔާބީއާ އެއްވަރުގެ ކަމެއް ކަމަށެވެ. އަދި އީރާން ޓީމު ކޭމްޕް ޖަހާފައިވާ މެކްސިކޯ ސަރުކާރާއި ރައްޔިތުންގެ ފަރާތުން ލިބޭ މެހެމާންދާރީއަށްވެސް އޭނާ ޝުކުރު އަދާކުރިއެވެ.

މިފަހަރުގެ ވޯލްޑް ކަޕާ އީރާން ކުރިމަތިލިއިރު، އެ ޓީމަށް ވަނީ ވަރަށް ބޮޑެތި ގޮންޖެހުންތަކެއް ކުރިމަތިވެފައެވެ. މިދިޔަ ފެބްރުއަރީ 28 ވަނަ ދުވަހުން ފެށިގެން އެ ގައުމު އޮތީ ހަނގުރާމައިގެ ”ވިލާގަނޑެއް“ގެ ދަށުގައެވެ. އެމެރިކާ އާއި އިސްރާއީލުން ދިން ހަމަލާތަކުގައި އީރާންގެ ގިނަ ރައްޔިތުންތަކެއް މަރާލިއެވެ.

އީރާނަށް ދެން ދިމާވި އެންމެ ބޮޑު ގޮންޖެހުމަކީ އެ ޓީމުގައި ހިމެނޭ ބައެއް މެމްބަރުންނަށް (މެނޭޖްމަންޓް ލެވެލް) އެމެރިކާ އިން ވިސާ ނުދިން މައްސަލައެވެ. އީރާން ޓީމު، މެކްސިކޯގައި ކޭމްޕް ކުރުމަކީ ވެސް ގޮންޖެހުމެކެވެ. އެމެރިކާ އިން އީރާންގެ ޓީމު އެ ގައުމުގައި ކޭމްޕް ކުރުމުގެ ފުރުސަތު ވެސް ދީފައި ނުވެއެވެ. އީރާން ކުޅުންތެރިންނަށް ވިސާ ދީފައި އޮތީ ވެސް ހަމައެކަނި މެޗު ކުޅޭ ގަޑިއަށެވެ. މާނައަކީ މެޗު ނިމުމުން އީރާންގެ ކުޅުންތެރިން ވަގުތުން މެކްސިކޯއަށް ފުރަން ޖެހޭނެއެވެ.

މި މުބާރާތުގެ ތެރެއިން އީރާން ޓީމަށް ކުރިމަތިވަމުންދާ މިފަދަ ހުރަސްތަކުގެ ސަބަބުން، މިއީ ވޯލްޑް ކަޕް ތާރީޚުގައިވެސް ޓީމަކަށް އެންމެ އިހާނެތިކޮށް ކަންތައް ކުރެވޭ ފަހަރުގެ ގޮތުގައި ގަލެނޯއީ ވަނީ ސިފަކޮށްފައެވެ.

Ads by
މިލިޔުމާއި ގުޅޭ

ކޮމެންޓް

guest
0 ކޮމެންޓް
ކުރީގެ
ފަހުގެ އެންމެ ގިނަ ވޯޓް
ހަބަރުގެ ތެރެއިން ހިޔާލު
...ހިޔާލުތައް ކިޔާލުމަށް
Ads by
ފަހުގެ ޚަބަރު
mutholibi and saeed
"އަދަދު" ނޫސްވެރިން 2 މިނިސްޓަރަކާއި މަގުމަތިން ދިމާކޮށް ފުރައްސާރަކޮށްފި
large_thumb_1794838270108
މާފަރާއި ފޮއްދޫގައި އަލަށް ބިނާކުރި ފުލުހުންގެ މަރުކަޒު ރަސްމީކޮށް ހުޅުވައި ޚިދުމަތް ދޭން ފަށައިފި
vazeerunge majilis
ސިޔާސަތުތަކަށް ފަންނީ ތަޖުރިބާކާރުންގެ އިލްމީ ލަފާ ހޯދަން ކޮމިޓީތަކެއް އުފައްދަވަނީ
big_y0OjWZ5sc0AZ00GFfi0UbJiYK
2028 ގައި ރައީސް މުޢިއްޒަށް ދެވަނަ ދައުރެއް ދިނުމަކީ ޤައުމުގެ ހަމަޖެހުމަށް އޮތް ހަމައެކަނި މަގު: ޢަބްދުއްރަޙީމް
Ads by
މަގުބޫލު
Dhivehi Raeesun 123
ޖުމުހޫރީ ދުވަސް: އަމިއްލަ މިނިވަންކަމާއި، ސިޔާދަތާއި އިސްތިޤުލާލުގެ ތާރީޚީ ރަމުުޒު
IMG_3293
2015 ގައި މާބަނޑު އަންހެނަކު މަރުވި އެކްސިޑެންޓް: ފިރިމީހާއާއި ދަރިފުޅު މަރުގެ ދިޔަ ބޭނުމެއް ނުވި
Adam Azim 1414
ވެރިކަމުގައި އިބޫ ނުވަތަ ނަޝީދު ހުންނެވި ނަމަ ރަސްމާލެ އޯކޭ: އާޒިމް
Moosun2525
ދުނިޔޭގެ މޫސުމަށް ބޮޑެތި ބަދަލުތަކެއް އަތުވެދާނެ ކަމުގެ އިންޒާރު ނާސާއިން ދީފި
Dhivehi Raeesun 123
ޖުމުހޫރީ ދުވަސް: އަމިއްލަ މިނިވަންކަމާއި، ސިޔާދަތާއި އިސްތިޤުލާލުގެ ތާރީޚީ ރަމުުޒު
IMG_3293
2015 ގައި މާބަނޑު އަންހެނަކު މަރުވި އެކްސިޑެންޓް: ފިރިމީހާއާއި ދަރިފުޅު މަރުގެ ދިޔަ ބޭނުމެއް ނުވި
Adam Azim 1414
ވެރިކަމުގައި އިބޫ ނުވަތަ ނަޝީދު ހުންނެވި ނަމަ ރަސްމާލެ އޯކޭ: އާޒިމް
Moosun2525
ދުނިޔޭގެ މޫސުމަށް ބޮޑެތި ބަދަލުތަކެއް އަތުވެދާނެ ކަމުގެ އިންޒާރު ނާސާއިން ދީފި