މީމު އަތޮޅު މުލީގައި ސަރުކާރުން ތަރައްޤީކުރާ 50 އެނދުގެ އައު ހޮސްޕިޓަލުގެ އިމާރާތުގެ ފައުންޑޭޝަންގެ މަސައްކަތް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ) އިން ފަށައިފިއެވެ.
މި މަޝްރޫޢަކީ މުލީ ރީޖަނަލް ހޮސްޕިޓަލުގެ ޚިދުމަތްތައް ފުޅާކޮށް، ފެންވަރު މަތިކުރުމަށްޓަކައި ސަރުކާރުން ކުރިއަށްގެންދާ މުހިންމު މަޝްރޫޢެކެވެ. މި މަސައްކަތުގެ އަމަލީ މަސައްކަތް ރަސްމީކޮށް ފައްޓަވައިދެއްވީ މިދިޔަ އަހަރުގެ މޭ މަހުގެ 20 ވަނަ ދުވަހު ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އެރަށަށް ކުރެއްވި ދަތުރުފުޅުގެ ތެރެއިންނެވެ.
4 ފަންގިފިލައަށް ތަރައްޤީކުރާ މި ހޮސްޕިޓަލް އިމާރާތާއެކު، އަތޮޅުގެ ރައްޔިތުންނަށް ލިބޭ ސިއްޙީ ޚިދުމަތްތަކަށް ބޮޑު އިންގިލާބެއް އަންނާނެ ކަމަށް ބެލެވެއެވެ. މި މަޝްރޫޢުގެ ދަށުން ހޮސްޕިޓަލް އިމާރާތުގެ އިތުރުން އިދާރީ މަސައްކަތްތަކަށް ޚާއްސަ އޮފީސް އިމާރާތެއްވެސް ބިނާކުރުމަށް ވަނީ ހަމަޖެހިފައެވެ.
ހޮސްޕިޓަލްގެ އައު އިމާރާތުގައި ޤާއިމުކުރުމަށް ހަމަޖެހިފައިވާ މުހިންމު ޚިދުމަތްތަކުގެ ތެރޭގައި:
ކޮންސަލްޓޭޝަން ރޫމްތަކާއި އޮޕަރޭޝަން ތިއޭޓަރު
އީ.އާރް (ER) އަދި އެން.އައި.ސީ.ޔޫ (NICU)
ކުޑަކުދިންގެ ވޯޑާއި ޑެންޓަލް ޚިދުމަތް
ފިޒިއޮތެރަޕީ އަދި ރޭޑިއޮލޮޖީގެ ޚިދުމަތް
ޕްރައިވެޓް ރޫމްތަކާއި މީޓިންގ ރޫމް
ކުޑަކުދިން ކުޅޭނެ ޚާއްސަ ސަރަޙައްދެއް
Project Update: Construction Of M.Muli Regional Hospital New Building
Foundation footing strip casting, reinforcement and lean casting works are currently ongoing.
Follow more updates at: https://t.co/SfVAzkW2pp#MTCCProjects #TeamMTCC #RayyithungeKunfuni… pic.twitter.com/bvNdyWuscj
— MTCC Plc (@MTCCPlc) June 11, 2026
32,000 އަކަފޫޓަށްވުރެ ބޮޑު ސަރަޙައްދެއްގައި ކުރިއަށްގެންދާ މި ބިޔަ މަޝްރޫޢު އެމްޓީސީސީއާ ހަވާލުކޮށްފައިވަނީ 171 މިލިއަން ރުފިޔާއަށެވެ. މި ހޮސްޕިޓަލް ނިމުމުން މުލީގެ އިތުރުން މުޅި މީމު އަތޮޅުގެ ރައްޔިތުންނަށް ބޭސްފަރުވާއަށް މާލެއަށް ކުރަންޖެހޭ ދަތުރުތައް މަދުވެ، ރަށާ ގާތުން ފެންވަރު ރަނގަޅު ސިއްޙީ ޚިދުމަތް ލިބިގެންދާނެއެވެ.
