ބޭނުންވާތަކެތި:
½ ދަޅު ގެރިކިރު
2 ސައިސަމުސާ ކޯން ފްލާ
500 އެމް އެލް ފުލްކްރީމް ކިރު
1 ސައިސަމުސާ ވެނީލާ އެސެންސް
2 ޕެކެޓް އޯރިއޯ (ކްރީމް ގަނޑު ވަކި ކޮށްފައި)
ތައްޔާރުކުރާނެގޮތް:
ތަވައަކަށް ގެރިކިރު އެޅުމަށް ފަހު އުނދުންމަތީގައި މަޑުގިނީގައި ހަލަމުން، ކައްކާށެވެ.
ކިރުފޮދު ކެކެން ފެށުމުން ¼ ޖޯޑު ހުންނަ ވަރުގެ އެތިކޮޅެއް ނެގުމަށް ފަހު އޭގެ ތެރެއަށް ކޯން ފްލާ އަޅައި އެއްކޮށްލާށެވެ. އެއަށް ފަހު ތަވާ މަތީގައި ހުރި ބައިގެތެރެއަށް ކޯން ފްލާ އެއްކުރި ބައި އަޅައި، ރަނގަޅަށް އެއްކުރުމަށް ފަހު އެސެންސް ފޮދު ވެސް އަޅާއި އޮލަވަންދެން މަޑުމަޑުން ހަލަމުން އަނެއްކާ ވެސް ކައްކާށެވެ.
އޮލަވުމުން އުނދުން މަތިން ބޭލުމަށް ފަހު، ކްރީމް ވަކި ކޮށްފައި ހުރި އޯރިއޯ ބިސްކޯދުތައް އަޅާފައި ހުރި ކޮންޓެއިނަރުގައި ހުރި ބިސްކޯދުތަކުގެ މައްޗަށް ކުރީމްކޮޅު އޮއްސާލާށެވެ.
ހިހޫވަންދެން ބެހެއްޓުމަށް ފަހު ބޭނުން ނަމަ އޯރިއޯ ބިސްކޯދު ފުޑުކޮށްފައި މައްޗަށް ވެސް އެޅިދާނެއެވެ.
2 ގަޑިއިރު ފްރިޖްގައި ބަހައްޓައިގެން ފިނިކުރުމުން، ޕުޑިން ތައްޔާރުވީއެވެ.
