ރާއްޖެ އާއި ތުރުކީ އާ ދެމެދު މިނިވަން ވިޔަފާރީގެ އެއްބަސްވުން އެކުލަވާލުމުގެ މަސައްކަތް ފަށާފައިވާ ކަމަށް އިކޮނޮމިކް މިނިސްޓްރީން ބުނެފިއެވެ.
ތުރުކީ އާއެކު ފަށާފައިވާ މަޝްވަރާތަކާ ގުޅޭގޮތުން ’އެކްސް‘ ގައި ކުރެއްވި ޕޯސްޓެއްގައި އިކޮނޮމިކް މިނިސްޓަރު މުޙައްމަދު ސަޢީދު ވިދާޅުވީ ރައީސް ޑރ. މުޙައްމަދު މުޢިއްޒު ތުރުކީއަށް ކުރެއްވި ރަސްމީ ދަތުރުފުޅަށް ފަހު ދެ ގައުމުގެ ދެމެދުގައި ވިޔަފާރީގެ ގުޅުން ވަރުގަދަ ކުރުމަށް ގިނަ މަސައްކަތްތަކެއް ކުރަމުން އަންނަ ކަމަށެވެ.
”އެގޮތުން މިހާރު ކުރިއަށް ދަނީ ދެ ގައުމުން އެކަށައަޅާ ހާއްސަ ބައެއް މުދާ އެކުލެވޭ މިނިވަން ވިޔަފާރީގެ އެއްބަސްވުމެއް އެކުލަވާލުމުގެ މަސައްކަތް،“ – އިކޮނޮމިކް މިނިސްޓަރު މުޙައްމަދު ސަޢީދު
First round of trade negotiation on the
Türkiye 🇹🇷 – Maldives 🇲🇻 Preferential Trade Agreement was held this afternoon. pic.twitter.com/6IvTkWP8lC— Ministry of Economic Development and Trade (@MoEDmv) March 20, 2024
އެއްބަސްވުން އެކުލަވާލުމުގެ މަސައްކަތް ދެ ގައުމުން ފަށާފައިވާއިރު، އެކަމާ ގުޅޭ މަޝްވަރާތަކުގެ ފުރަތަމަ ބައްދަލުވުން ބުދަ ދުވަހު އިކޮނޮމިކް މިނިސްޓްރީގައި ވަނީ ބާއްވާފައެވެ.
ވެރިކަމާ ހަވާލުވެވަޑައިގަތުމަށްފަހު، އެންމެ ފުރަތަމަ ރަސްމީ ދަތުރުފުޅުގައި މިދިޔަ ނޮވެމްބަރު މަހު ރައީސް ތުރުކީއަށް ވަޑައިގެންނެވިއިރު، އެ ދަތުރުފުޅުގައި ދެ ގައުމުގެ ދެމެދުގައި ވިޔަފާރި އާއި އިގުތިސޯދީ ދާއިރާއިން ގުޅުން ބަދަހިކުރުމާ ގުޅޭ އެއްބަސްވުމެއްގައި ވަނީ ސޮއިކުރައްވާފައެވެ.
