ޖޫން 8، 2026 – މިދިޔަ އޭޕްރީލް މަހު އީރާނާއި އިޒްރޭލް ދެމެދު ވެވުނު ނުރަސްމީ ސުލްޙައިގެ އެއްބަސްވުން އެއްކޮށް ރޫޅި، މެދުއިރުމަތީގެ ހަނގުރާމަ އަނެއްކާވެސް އެންމެ ނުރައްކާތެރި ފައްތަރަށް ވެއްޓިއްޖެއެވެ.
ޙަމަލާގެ މުހިންމު ނުކުތާތައް:
– ބެއިރޫތަށް ބޮންއެޅުން: އެއްވެސް އިންޒާރަކާ ނުލައި އިޒްރޭލުން ވަނީ ބެއިރޫތުގެ ދެކުނުގައި އޮންނަ ދުހިޔާ ސަރަޙައްދުގެ އިމާރާތަކަށް ބޮންއަޅާފައެވެ۔ ލުބުނާނުގެ ކަމާބެހޭ ފަރާތްތަކުން ކަށަވަރުކޮށްދިން ގޮތުގައި މި ޙަމަލާގައި 2 މީހުން މަރުވެ، 11 މީހުންނަށް ވަނީ ބޮޑެތި އަނިޔާތަކެއް ލިބިފައެވެ.
Iran's attack on israel after Israel struck Beirut not heeding Iran's warning pic.twitter.com/l3lwTVNFCQ
— Hamza Mohamed (@Hamzemten) June 8, 2026
– އީރާނުގެ ބަދަލުހިފުން: އިޒްރޭލުގެ ޙަމަލާއާ ގުޅިގެން އީރާނުން ވަނީ އެއްވެސް މެދުވެރިއަކާ ނުލައި، ސީދާ އީރާނުގެ ބިމުން އިޒްރޭލުގެ އުތުރުގެ ސަރަޙައްދުތަކަށް އަމާޒުކޮށް ގާތްގަނޑަކަށް 10 ބެލިސްޓިކް މިސައިލް ފޮނުވާލާފައެވެ.
އިސްތިރާޖީ ތަޙުލީލު: އިމްޕީރިއަލިޒަމާ ކުރިމަތިލުމުގެ އިސްތިރާޖީ އޮނިގަނޑާއި އުންމަތުގެ ބާރު
މި އަސްކަރީ އަދި ސިޔާސީ ބަދަލުތަކުން ކަށަވަރުކޮށްދެނީ، ހުޅަނގުގެ އިމްޕީރިއަލިޒަމާއި އެމެރިކާއާއި އިޒްރޭލުގެ ޢުދުވާނުތަކާ ކުރިމަތިލުމުގައި ބަލިކަށިވެ، ކިޔަމަންތެރިކަން އަދާކުރުމުގެ ސިޔާސަތުތައް މުޅިން ފެއިލްވެފައިވާ ކަމެވެ. ބާރުގަދަ ޤައުމުތަކުގެ ކުރިމަތީގައި އަމިއްލަ މިނިވަންކަން ޤުރުބާންކޮށް، ހުޅަނގުގެ މާލީ އަދި ސިޔާސީ ނިޒާމުތަކަށް ބޯލެނބުމަކީ އުންމަތް އިތުރަށް ބައިބައިވެ، ނިކަމެތިވުމަށް މަގުފަހިވާ ކަމެކެވެ. އީރާނުން ބެއިރޫތުގެ ދިފާޢުގައި ސީދާ އަމިއްލަ ބިމުން އިޒްރޭލަށް ބެލިސްޓިކް މިސައިލް ޙަމަލާތަކެއް ދިނުމަކީ، ހަމައެކަނި އަސިމެޓްރިކް ހަނގުރާމައެއް ނޫނެވެ؛ އެއީ ބާރުގަދަ ބާރުތަކުގެ ކުރިމަތީގައި ހިމޭނުން އޮތުމުގެ ބަދަލުގައި، ސާބިތުކަމާއެކު ބާރު ދައްކައިގެން މެނުވީ އިމްޕީރިއަލިޒަމް ހުއްޓުވައިނުލެވޭނެކަން ސާފުކޮށްދޭ ޢަމަލީ ހެކިތަކެކެވެ.
އަފްޣާނިސްތާނާއި، ޢިރާޤާއި، އަދި ސީރިއާގެ ތާރީޚީ ބަދަލުތަކުން ފެންނަން އޮތް ފަދައިން، މުސްލިމް އުންމަތުގެ މަޞްލަޙަތުތަކާއި ފަލަސްޠީނުގެ މިނިވަންކަން ޙިމާޔަތްކުރެވޭނީ ވަކިވަކިވެ، ހުޅަނގުގެ އެހީއަށް ސަލާންޖަހައިގެންނެއް ނޫނެވެ. މުސްލިމުންގެ އޮތް ބޮޑު އާބާދީއާއި، އިޤްތިޞާދީ ވަޞީލަތްތަކާއި (ތެލާއި ގޭސް)، އަސްކަރީ ޓެކްނޮލޮޖީއާއި، އަދި ސްޓްރެޓީޖިކް ޖިއޮގްރަފީގެ ބާރު އެއްކޮށްލައި، އެއްވެސް ބިރެއްނެތް ޚިލާފަތެއްގެ ދަށުން މުޅި އުންމަތް އެއްބައިވަންތަވެގެންނެވެ. ދުނިޔޭގެ ބޮޑެތި ބާރުތަކުން މުސްލިމުންގެ ލޭއޮހޮރުވުންތައް ހުއްޓާނުލަނީސް، އެމީހުންގެ އިޤްތިޞާދީ މަގުތަކާއި ވިޔަފާރީގެ ބާޒާރުތަކަށް ސަލާމަތްތެރިކަމެއް ނުލިބޭނެކަން ކަށަވަރުކޮށްދީ، އުންމަތުގެ ޙަޤީޤީ ބާރު ދައްކައިގެން މެނުވީ ބައިނަލްއަޤްވާމީ މައިދާނުގައި މުސްލިމުންގެ ޙައްޤުތައް ޙިމާޔަތެއް ނުކުރެވޭނެއެވެ.
