މާލޭގެ އެކި ސަރަހައްދުތަކުގައި ގަވާއިދާ ހިލާފަށް ބަހައްޓާފައި ހުރި ޕެލެޓްތައް ނެގުމުގެ މަސައްކަތް މާލޭ ސިޓީ ކައުންސިލުން ފަށައިފިއެވެ.
މާލޭ ސިޓީ ކައުންސިލުން ވިދާޅުވީ އިއްޔެއިން ފެށިގެން ޕެލެޓްތައް ނެގުމުގެ މަސައްކަތް ފަށާފައިވާ ކަމަށެވެ. މިހާތަނަށް ނަގާފައިވަނީ ކިހާ އަދަދެއްގެ ޕެލެޓެއް ކަމެއް އަދި ސާފެއް ނުވެއެވެ.
ބޮޑުތަކުރުފާނު މަގުގައި ހުރި ކުނި އަދި ޕެލެޓުތައް ނަގާ ސާފުކުރުން pic.twitter.com/TDmyBm58i6
— Malé City Council (@MaleCitymv) March 18, 2024
ޕެލެޓްތައް ނެގުމުގެ މަސައްކަތް ފަށާފައިވަނީ މާލޭ މަގުމަތީގައި ހިނގާބިނގާވެ އުޅޭ އާއްމުންނަށް ދަތިވާފަދަ ގޮތްގޮތަށް ބަހައްޓާފައި ހުންނަ ޕެލެޓުތަކުގެ ސަބަބުން އާންމު ރައްޔިތުން ކަންބޮޑުވުންފާޅުކުރަމުންދާ ދަނޑިވަޅެއްގައެވެ.
މީގެ ކުރިން ވެސް އެކި ފަހަރު މަތިން ޕެލެޓްތައް ނެގުމުގެ މަސައްކަތް ކައުންސިލުން ކޮށްފައިވެއެވެ.
