ފިޗް ރޭޓިންގސް އިން ރާއްޖޭގެ ކްރެޑިޓް ރޭޓިންގ މަތިކުރުމަކީ ސިޔާސީ ކަންކަމުން ބޭރުން ބަލަންޖެހޭ ކަމެއް ކަމަށް، ރައްޔިތުންގެ މަޖިލީހުގެ އައްޑޫ ސިޓީ ހިތަދޫ މެދު ދާއިރާގެ މެންބަރު އަޙްމަދު އަޒާން ވިދާޅުވެއްޖެއެވެ.
ފިޗް ރޭޓިންގސް އިން ދިވެހިރާއްޖޭގެ ކްރެޑިޓް ރޭޓިންގ މަތިކުރުމާ ގުޅިގެން މީސް މީޑިއާގައި ހިއްސާކުރެއްވި ޕޯސްޓެއްގައި އަޒާން ވިދާޅުވީ، ރާއްޖޭގެ ކްރެޑިޓް ރޭޓިންގ ރަނގަޅުވުމުގެ މާނައަކީ ލޯނު ދޭ ފަރާތްތަކާއި އިންވެސްޓަރުންނާއި ތަރައްގީގެ ބައިވެރިންނާ މަޝްވަރާ ކުރާއިރު ކްރެޑިޓް ރޭޓިން ވަރުގަދަވުން ކަމަށެވެ.
Fitch’s upgrade should be seen beyond politics.
For Maldives, a better credit rating means stronger credibility when negotiating with lenders, investors and development partners. It can improve access to financing, reduce risk premiums, and give the country more room to manage… https://t.co/BsQytOoPuE
— Ahmed Azaan (@axanner) June 3, 2026
އަޒާން ވިދާޅުވި ގޮތުގައި, މިކަމުގެ ސަބަބުން ފައިނޭންސިންގ ލިބޭނެ މަގު ތަނަވަސްވުމުގެ އިތުރުން މުސްތަގުބަލުގައި ދަރަނި އަދާކުރުމަށް އިތުރު ލުއިތައް ލިބިގެންދާނެ ކަމަށެވެ.
500 މިލިއަން ޑޮލަރުގެ ސުކޫކް ދެއްކުން މުހިއްމުވަނީ މިފަދަ ސަބަބަށްޓަކައިކަން ފާހަގަކުރައްވަމުން އަޒާން ވިދާޅުވީ، އެއީ ހަމައެކަނި އެންމެ ޕޭމަންޓެއް ނޫން ކަމަށެވެ. އެކަމުގެ ސަބަބުން، މާކެޓްތަކާއި އިންސްޓިޓިއުޝަންތަކުން ރާއްޖޭގެ ކައިރި މުސްތަގުބަލުގެ ރިސްކް އެސެސްކުރާ ގޮތް ބަދަލުވެފައިވާ ކަމަށެވެ.
އަޒާން އިތުރަށް ވިދާޅުވީ، ދުނިޔޭގެ އިގުތިސާދަށް އައިސްފައިވާ ލޮޅުމުގެ ތެރޭގައި ވެސް އިގުތިސާދީ ގޮތުން ރާއްޖެ އޮތީ ކުރިއަށްވުރެ ރަނގަޅު ހާލަތެއްގައި ކަމަށެވެ.
