ފިޔާގެ ސްޓޮކް އެބަހުރި ކަމަށާއި އެއްވެސް ދަތިކަމެއް ނެތް ކަމަށް އެސްޓީއޯއިން ބުނެފިއެވެ.
ބައެއް ފަރާތްތަކުން ވަނީ ފިޔާ ލިބުން ދަތިވެ ފިޔާ ކިލޯއެއްގެ އަގު ވަރަށް ބޮޑަށް އުފުލިފައިވާ ކަމަށް ބުނެ ސޯޝަލް މީޑިއާގައި ކަންބޮޑުވުން ފާޅުކޮށްފައެވެ.
އެކަމާއި ގުޅިގެން އެސްޓީއޯގެ މީޑިއާ އޮފިޝަލު ”އެކި“ އަށް ވިދާޅުވީ އެސްޓީއޯގައި ފިޔާގެ ސްޓޮކް އެބަހުރި ކަމަށާއި ފިޔާ ވިއްކަމުންދާ އަގަށް ވެސް އެއްވެސް ބަދަލެއް ނާންނަ ކަމަށެވެ.
އޮފިޝަލް ވިދާޅުވީ ފިޔަލުގެ އިތުރު ޝިޕްމެންޓެއްވެސް ރާއްޖެ ގެނައުމުގެ މަސައްކަތް ކުރަމުން އަންނަ ކަމަށެވެ.
މެދު އިރުމަތީގައި ހިންގަމުންދާ ހަނގުރާމައާއި ގުޅުގެން ދުނިޔޭގެ އެކި ކަންކޮޅުތަކެއް އެކި ތަކެތި ލިބުމުގެ ދަތިކަން ކުރިމަތިވެފައިވާއިރު އެސްޓީއޯއިން އަންނަނީ ރާއްޖެއަށް ބޭނުންވާ އަސާސީ ކާބޯތަކެތި ހުސްނުވެ ލިބޭނެ އިންތިޒާމުތައް ހަމަޖައްސަމުންނެވެ.
