ބޭންކް އޮފް މޯލްޑިވްސް (ބީއެމްއެލް) ގެ އެހީގެ ދަށުން ކ. ގުރައިދޫގައި ހުންނަ ޚާއްޞަ އެހީއަށް ބޭނުންވާ މީހުންގެ މަރުކަޒުގައި ހިންގި ޕްރޮޖެކްޓް ނިންމާލައިފިއެވެ.
ބީއެމްއެލުން ބުނީ އެ ބޭންކުގެ 40 ވަނަ އަހަރީ ދުވަހާ ގުޅުވައިގެން ކުރިއަށް ގެންދިޔަ މި ޕްރޮޖެކްޓުގެ ދަށުން އެ މަރުކަޒުގައި އިންޑަސްޓްރިއަލް ބަދިގެއެއް ގާއިމުކޮށް، އެ ތަނަށް ބޭނުންވާ އާލާތްތަކެއް ހަދިޔާކުރުމާ އެކު ކާބޯތަކެތި ރައްކާކުރުމަށް ޖާގައެއް ގާއިމުކޮށްފައިވާ ކަމަށެވެ.
ބީއެމްއެލުން ބުނި ގޮތުގައި އެ މަސައްކަތްތަކުގެ އިތުރުން އެ މަރުކަޒުގައި މަސައްކަތްކުރާ އަންހެން އަދި ފިރިހެން މުވައްޒަފުން ބޭނުން ކުރުމަށް ލޮކަރތަކާއި ފާހާނާ އާއި ސައިބޯ ކޮޓަރިއެއް ވަނީ ގާއިމުކޮށްފައި ކަމުގައެވެ. އަދި ތަނުގެ މުވައްޒަފުންނާއި ބަލިމީހުން ބޭނުން ކުރުމަށް ލައިބްރަރީ ކޯނަރއެއް ވެސް ގާއިމުކޮށްފައިވާ ކަމަށް ބީއެމްއެލުން ބުނެއެވެ.
The Home for People with Special Needs in K. Guraidhoo is now completed with our support! 🤍
The home now has a fully functional industrial kitchen setup with equipment, food storage and an outdoor area for food preparation as well as a library corner. Dedicated staff areas were… pic.twitter.com/gxLPbeZW5f
— Bank of Maldives (@bankofmaldives) March 10, 2024
ބީއެމްއެލުން ބުނެފައި ވަނީ މި ޕްރޮޖެކްޓުގެ އެހީގައި ޚާއްޞަ އެހީއަށް ބޭނުންވާ މީހުންގެ މަރުކަޒުގެ ވޯޑުތަކަށް އެނދު، ގޮދަޑި، ސޯފާ، ގޮނޑި ފަދަ މުހިންމު ފަރުނީޗަރު ހަދިޔާކޮށްފައިވާ ކަމަށެވެ.
