ދިވެހިރާއްޖޭގެ ދަރަނި މެނޭޖުކުރުމާ ގުޅޭގޮތުން ކުރީގެ ރައީސް މުޙައްމަދު ނަޝީދު ދެއްކެވި ވާހަކަތަކަށް، ފަހި ދިރިއުޅުން ކޯޕަރޭޝަން (އެފްޑީސީ) ގެ މެނޭޖިންގ ޑިރެކްޓަރު ހަމްދާން ޝަކީލް ވަރުގަދަ ރައްދެއް ދެއްވައިފިއެވެ.
އެކްސް‘ ގައި ކުރެއްވި ޕޯސްޓެއްގައި ހަމްދާން ވިދާޅުވީ، އެމްޑީޕީގެ ފުރަތަމަ ސަރުކާރުން ވެރިކަމާ ހަވާލުވިއިރު ޖީޑީޕީގެ ނިސްބަތުން 55 އިންސައްތައިގައި އޮތް ދަރަނި، އެ ސަރުކާރު ނިމުނުއިރު 97 އިންސައްތައަށް ވުރެ މައްޗަށް އުފުލާލާފައިވާ ކަމަށެވެ. އަދި 2011 ވަނަ އަހަރު 3.5 އިންސައްތައިގައި ޖީއެސްޓީ ތަޢާރަފުކުރުމަށްފަހު، ހަމަ އެ އަހަރުގެ ތެރޭގައި އެ ޓެކްސް 6 އިންސައްތައަށް ބޮޑުކުރިކަން އޭނާ ހަނދާންކޮށްދެއްވިއެވެ.
އެމްޑީޕީގެ ދެވަނަ ދައުރަށް އިޝާރާތް ކުރެއްވަމުން ހަމްދާން ވިދާޅުވީ، އެ ފަސް އަހަރުގެ ތެރޭގައި ދައުލަތުގެ ދަރަންޏަށް އިތުރު 77 ބިލިއަން ރުފިޔާ އިތުރުކޮށް، ޖީއެސްޓީ 8 އިންސައްތައަށް ބޮޑުކޮށްފައިވާ ކަމަށެވެ. މިއީ ރައްޔިތުންނަށް އުފުލަންޖެހުނު ބޮޑު ތަކުލީފެއްގެ ގޮތުގައި އޭނާ ސިފަކުރެއްވިއެވެ.
MDP ge furathama sarukaarugai dharani GDP ge 55% gai ovvaa 97% ah vuren machah aruvaali adhi 2011 gai 3.5% gai GST tax tha’araf koh 2011 gai 6% ah bodu kuri. Adhi MDP ge dhevana dhaurugai dharanyah ithuru MVR 77 billion ithuru koh GST 8% ah bodu kuri. Raees Muizzu ge sharukaarun… https://t.co/lUXTgKYzeE
— Hamdhan Shakeel (@HamdhanShakeel) May 30, 2026
މީގެ އިދިކޮޅަށް، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ސަރުކާރުން މިދިޔަ ހައެއްކަ މަސްދުވަހުގެ ތެރޭގައި ކުރެއްވި މަސައްކަތްޕުޅުތަކަށް ހަމްދާން ވަނީ ތައުރީފު ކުރެއްވިއެވެ. އޭނާ ވިދާޅުވީ، މި ސަރުކާރުން ރައްޔިތުންނަށް ޓެކްސްގެ އިތުރު ބުރައެއް ކުރިމަތި ނުކުރުވައި، ކުރީގެ ސަރުކާރުތަކުން ނަގާފައިވާ ލޯނުތަކުގެ ތެރެއިން އެއް ބިލިއަން (1,000,000,000) އެމެރިކާ ޑޮލަރު މިހާތަނަށް ދައްކާފައިވާ ކަމަށެވެ.
”ސިޔާސީ ބޭނުމެއްގައި އާ ވޯޓަރުންނަށް ކަންކަން އޮޅުވާލެވިދާނެ. އެކަމަކު މަނިކުފާނުގެ (ރައީސް ނަޝީދުގެ) ވެރިކަމުގެ ހިތްދަތި ހަނދާންތައް
އަޅުގަނޑުމެންގެ ހިތްތަކުގައި އަދިވެސް އެބަހުރި،“ ހަމްދާން ވިދާޅުވިއެވެ.
ހަމްދާންގެ މި ވާހަކަފުޅުތަކަކީ ރާއްޖޭގެ އިޤްތިޞާދީ ޙާލަތާއި ދަރަނި މެނޭޖުކުރުމާ ގުޅޭގޮތުން ސިޔާސީ މަސްރަޙުގައި ބަހުސް ގަދަވެފައިވާ ދަނޑިވަޅެއްގައި ދެއްކެވި ވާހަކަފުޅުތަކެކެވެ. ރައީސް މުޢިއްޒުގެ ސަރުކާރުން އިޤްތިޞާދު ކޮޅަށް ޖެހުމަށް ގިނަ ފިޔަވަޅުތަކެއް އަޅަމުންދާކަން ސަރުކާރުން ހާމަކުރަމުންދާއިރު، މިއީ އޭގެ ތެރެއިން މުހިންމު ކާމިޔާބީއެއްގެ ގޮތުގައި ހަމްދާން ވަނީ ފާހަގަކުރައްވާފައެވެ.
