އެކުވެރި ކަމަކީ ގަދަފަދަ ބާރެއް ކަމަށާއި އިއްޔެގެ އެކުވެރިކަމާއި ބަދަހިކަން އަލުން އިޔާދަކުރުމަށް ރައީސުލްޖުމްހޫރިއްޔާގެ ނައިބު ޙުސައިން މުޙައްމަދު ލަޠީފް އިލްތިމާސްކުރައްވައިފިއެވެ.
ބަރަކާތްތެރި އަޟްޙާ ޢީދުގެ މުނާސަބަތާ ގުޅިގެން މީސް މީޑިއާގައި ހިއްސާކުރެއްވި ޕޯސްޓެއްގައި ނައިބު ރައީސް ވިދާޅުވީ، ޙައްޖުގެ މަތިވެރި ދުވަހު ލިބޭ ފިލާވަޅުތަކުން ހެޔޮކަން ލިބިގަތުމަށް ނަސޭހަތްތެރިވެފައެވެ. އެމަނިކުފާނު ވަނީ، މިއަދު ފާހަގަކުރަމުންދާ އަޟްޙާ ޢީދުގައި އެކުވެރި އަދި ބާރުވެރި ބަޔަކަށްވުމަށް އެދިވަޑައިގެންފައެވެ.
މީގެ އިތުރުން އިއްޔެގެ އެކުވެރިކަމާއި ބަދަހިކަން އަލުން އިއާދަކުރުމުގެ ގޮތުން އެކަކު އަނެކަކަށް ހެޔޮއެދިގެން މަތިވެރި އަމާން ސަލާމަކުން ސަލާމް ކޮށްލުމަށް ވެސް ނައިބު ރައީސް ވަނީ ނަސޭހަތްތެރިވެވަޑައިގެންފައެވެ.
ރާއްޖޭގެ އެކި ކަންކޮޅުތަކުގައި ޢީދުގެ އުފާ ފާޅުކުރަމުން އަންނައިރު ހަނދާނުގައި ބަހައްޓަންޖެހޭ ކަމަކީ، ޢީދު ފާހަގަކުރުމުގައި އިސްލާމީ ހުދޫދުގެ ތެރެއިން ޢީދު ފާހަގަކުރުމެވެ.
