ސިފައިންގެ ފެމިލީ އެސޯސިއޭޝަން (ސިފަމާ) އާއި ސިފްކޯ ގުޅިގެން، ސިފްކޯ ހިޔާގައި ދިރިއުޅޭ ސިފައިންގެ އާއިލާތަކަށް ޢީދު ސައެއް ބާއްވައިފިއެވެ.
މި ޢީދު ސައިގައި ދިފާއީ އަދި ވަތަނީ ހިދުމަތާ ބެހޭ ވަޒީރު، ޙަސަން ރަޝީދާއި، އެމަނިކުފާނުގެ އަނބިކަނބަލުން، އައިޝަތު ޝީޒާއާއި، ޗީފް އޮފް ޑިފެންސް ފޯސް، މޭޖަރ ޖެނެރަލް އިބްރާހީމް ޙިލްމީއާއި، ސިފަމާގެ ޗެއަރޕާސަން، ޚަދީޖާ ޒީނާ ރިފްޢަތުއާއި، ސިފްކޯ ހިޔާގައި ދިރިއުޅުއްވާ ސިފައިންގެ ޖެނެރަލް އޮފިސަރުންނާއި ގިނަ އަދަދެއްގެ ސިފައިންގެ އިތުރުން ސިފައިންގެ ޢާއިލާތަކުން ވަނީ ބައިވެރިވެފައެވެ.
މީގެ އިތުރުން ޢުލްހިޔާ ކަތިލުމުގެ ހަރަކާތެއް ވެސް އެ ސަރަހައްދުގައި ވަނީ ބާއްވައިފައެވެ.
ފާހަގަކޮށްލަންޖެހޭ ގޮތުގައި އަޟްޙާ ޢީދުގެ ހަރަކާތްތައް ރާއްޖޭގެ އެކި ކަންކޮޅުތަކުގައި ވަރަށް ކުލަގަދަކޮށް އަންނަނީ ފާހަގަކުރަމުންނެވެ.
