އިސްލާމީ ހުދޫދުގެ ތެރެއިން ހުރިހާ ފަރާތްތަކުން ވެސް ޢީދުގެ އުފާ ފާހަގަކުރުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އިލްތިމާސްކުރައްވައިފިއެވެ.
އަޟްޙާ ޢީދުގެ މުނާސަބަތާ ގުޅިގެން މީސް މީޑިއާގައި ހިއްސާކުރެއްވި މެސެޖެއްގައި ރައީސް މުޢިއްޒު ވަނީ، ދިވެހި ރައްޔިތުންނަށް ޢީދުގެ ތަހުނިޔާއާއި ހެޔޮއެދުންތައް އަރިސްކުރައްވައިފައެވެ. އެމަނިކުފާނު ވަނީ، މާތްﷲ ގެ ޙަޟްރަތަށް ގިނަގިނައިން ހަމްދުކޮށް، ތަކުބީރުގެ އަޑު އުފުލައި، އިސްލާމީ ރޫހާ އެއްގޮތަށް ޢީދުގެ އުފާ ފާޅުކުރުމަށް ނަސޭހަތްތެރިވެފައެވެ.
ދިވެހި ލޮބުވެތި ރައްޔިތުންނަށް މި ޢީދުގެ ތަހުނިޔާއާއި ހެޔޮއެދުންތައް އަރިސްކުރަނީ، މާތްﷲގެ ޙަޟްރަތަށް ގިނަގިނައިން ޙަމްދުކުރައްވައި ތަކުބީރުގެ އަޑު އުފުއްލަވައި، އިސްލާމީ ރޫޙާ އެއްގޮތަށް ޢީދުގެ އުފާ ފާޅުކުރެއްވުމަށް އިލްތިމާސްކުރަމުން.
ބޮޑު ޢީދުގައި ޢާއިލާތަކާއެކު ރަށްރަށަށް… pic.twitter.com/WVlus4BOqO
— Dr Mohamed Muizzu (@MMuizzu) May 26, 2026
އަޟްޙާ ޢީދުގައި އާއިލާތަކާއެކު ރަށްރަށަށް ދަތުރުކޮށް އިޖްތިމާއީ ގުޅުންތައް ބަދަހިކުރުމަށް ބާރު އަޅުއްވައި، އެކަމަކީ ދިވެހިންގެ ޒަމާންވީ އާދައެއްކަން ރައީސްގެ މެސެޖުގައި ފާހަގަކުރެއްވިއެވެ.
ރައީސް މުޢިއްޒުގެ މެސެޖު ނިންމަވާލައްވަމުން މި ޢީދުގައި އަހުވަންތަކަން ބަދަހިވެ، އަމާންކަމާއި ހިތްހަމަޖެހުން ހުރިހާ ރައްޔިތުންނަށް ވެސް އިހްސާސްވާފަދަ ޢީދަކަށްވުމަށް އެދިވަޑައިގެން ވަނީ ދުއާކުރައްވައިފައެވެ.
