ސިޓީތަކުގެ އަންހެނުންގެ ތަރައްގީއަށް މަސައްކަތް ކުރާ ކޮމިޓީތަކުގެ ރައީސުންގެ މުސާރަ 20،000ރ. އަށް އަދި ރަށްރަށުގެ އަންހެނުންގެ ތަރައްގީއަށް މަސައްކަތް ކުރާ ކޮމިޓީތަކުގެ ރައީސުންގެ ރައީސުންގެ މުސާރަ 15،000ރ. އަށް ކުޑަކުރަން ފިނޭންސް މިނިސްޓްރީން މިއަދު ނިންމައިފިއެވެ.
އަންހެނުންގެ ތަރައްގީއަށް މަސައްކަތް ކުރާ ކޮމިޓީތަކުގެ މުސާރަ، ޕޭ ކޮމިޝަނުން ކަނޑައަޅާއިރު، އެންމެ ފުރަތަމަ ނިންމީ ސިޓީތަކުގެ އަންހެނުންގެ ކޮމިޓީތަކުގެ ރައީސުންނަށް މަހަކު 41،000ރ. ދިނުމަށާއި ރަށްރަށުގެ އަންހެނުންގެ ކޮމިޓީތަކުގެ ރައީސުންނަށް 21،000ރ. ދިނުމަށެވެ.
އެ ނިންމުމާ ގުޅިގެން ފާޑުކިޔުންތައް އަމާޒުވުމުން ފަހުން ސިޓީ ކައުންސިލްތަކުގެ ރައީސުންގެ މުސާރަ 31،000ރ އަށްވެސް ކުޑަކުރަން ނިންމިއެވެ.
ނަމަވެސް ފިނޭންސުން އެންމެ ފަހުން އާންމުކޮށްފައިވާ އުސޫލުގައިވާ ގޮތުން، ސިޓީތަކާއި ރަށްރަށުގެ މުސާރަ އޮޮނިގަނޑަށް ވަނީ ބޮޑު ބަދަލެއް ގެނެސްފައެވެ.
ސިޓީ ކައުންސިލްތަކުގެ އަންހެނުންގެ ކޮމެޓީ:
ރައީސް: މަހަކު 20,000ރ. (މުސާރަ އާއި ލިވިން އެލަވަންސްއާ އެކު)
ނައިބު ރައީސް: މަހަކު 7,000ރ. (މުސާރަ އާއި ލިވިން އެލަވަންސާއެކު
)މެމްބަރުން: މަހަކު 6,000ރ. (މުސާރަ އާއި ލިވިން އެލަވަންސްއާއެކު)
ރަށު ކައުންސިލްތަކުގެ އަންހެނުންގެ ކޮމެޓީ:
ރައީސް: މަހަކު 15,000ރ. (މުސާރަ އާއި ލިވިން އެލަވަންސްއާއެކު
)ނައިބު ރައީސް: މަހަކު 6,000ރ. (މުސާރަ އާއި ލިވިން އެލަވަންސްއާއެކު)
މެމްބަރުން: މަހަކު 5,000ރ. (މުސާރަ އާއި ލިވިން އެލަވަންސްއާއެކު)
މީގެ އިތުރުން، ކޮމެޓީގެ ނައިބު ރައީސުންނާއި މެމްބަރުން ބައިވެރިވާ ކޮންމެ ބައްދަލުވުމަކަށް 500ރ. ސިޓިން އެލަވަންސެއް ދިނުމަށް ނިންމާފައިވާއިރު މި އެލަވަންސްގެ ގޮތުގައި މަހަކު އެންމެ ގިނަވެގެން ދެވޭނީ 2,000ރ. އެވެ.
