ހދ. ކުޅުދުއްފުށީ އެއަރޕޯޓާ ދިމާ ތޮށިގަނޑަށް ލޯންޗެއް އުރިގެން ފުލުހުން ހަރަކާތްތެރިވާން ފަށައިފިއެވެ.
ފުލުހުން ބުނި ގޮތުގައި، ކުޅުދުއްފުށީ އެއަރޕޯޓާ ދިމާލުން ބޭރު ތޮށިގަނޑަށް ލޯންޗެއް އުރިފައިވާ ކަމުގެ ރިޕޯޓް ލިބިފައިވަނީ 21 މޭ 2026 ވީ ބުރާސްފަތި ދުވަހުގެ މެންދުރުފަހު 15:51 އެހައިކަންހާއިރުއެވެ.
މި ހާދިސާ ހިނގަން މެދުވެރިވި ސަބަބެއް މިހާތަނަށް ސާފުވެފައި ނުވި ނަމަވެސް، މި ހާދިސާގައި އެއްވެސް މީހަކަށް އަނިޔާއެއް ލިބިފައިވާ ކަމުގެ މައުލޫމާތު ލިބިފައިނުވާ ކަމަށް ފުލުހުން ވިދާޅުވިއެވެ.
މި މައްސަލައާ ގުޅިގެން ބަލަންޖެހޭ ކަންކަން ފުލުހުން ދަނީ އިތުރަށް ތަހުގީގު ކުރަމުންނެވެ.
