އީރާނުގެ އެންމެ އިސް ސަލާމަތީ މަޖިލީހުން މިއަދު ބަޔާންކޮށްފައިވާ ގޮތުގައި ހޮރްމޫޒް ކަނޑުއޮޅިގޭ ކަންތައްތައް ބެލެހެއްޓުމަށް އައު އިދާރާއެއް ވަނީ ޤާއިމުކޮށްފައެވެ. އަލަށް އުފެއްދި މި އިދާރާ ”ޕާޝިއަން ގަލްފް ސްޓްރެއިޓް އޮތޯރިޓީ“ ގެ އައު ޓުވިޓާ އެކައުންޓުގައި ހާމަކޮށްފައިވާ ގޮތުގައި ހޮރްމޫޒް ކަނޑުއޮޅީގެ ހިންގުންތަކާއި އެންމެ ފަހުގެ ކުރިއެރުންތައް އެ އެކައުންޓުގައި އަދާހަމަކުރެވެމުން ދާނެއެވެ.
ސައްބީސް ހާހަށް ވުރެ ގިނަ ފޮލޯވަރުން މިހާރުވެސް ލިބިފައިވާ މިއަދު އުފެއްދި މި އެކައުންޓުން އިތުރަށް ބުނެފައިވާ ގޮތުގައި އެ އިދާރާ އަކީ ހޮރްމޫޒް ކަނޑުއޮޅިން ދަތުރުފަތުރުކުރުމާއި ހުރަސްކުރުން ބެލެހެއްޓުމަށް އޮތް އީރާނުގެ ޤާނޫނީ ބާރު އަދި މަންދޫބެވެ.
މިހާތަނަށް އީރާނުން ކަނޑުއޮޅީގައި ބާރު ދަމަހައްޓާ ކޮންޓުރޯލް ކުރަމުން ދިޔުމާއެކީ އޭގެ ބަދަލެއްގެ ގޮތުގައި އެމެރިކާއިންވެސް ދަނީ އީރާނުގެ ބަނދަރުތަކުން ދަތުރުކުރާ އުޅަނދުތަކަށް ހުރަސްއަޅާ ބަންދުކުރަމުންނެވެ.
