ހައުސިންގ ޑިވެލޮޕްމަންޓް ކޯޕަރޭޝަން (އެޗްޑީސީ) ގެ ޑިރެކްޓަރުންގެ ބޯޑު މެންބަރުކަމުގެ މަގާމުން ޔޫސުފް ވަޙީދު ވަކިކޮށްފިއެވެ.
ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ) އިން މިހާރު ވަނީ އެކަން ކަށަވަރުކޮށްދީފައެވެ. ނަމަވެސް އޭނާ މަގާމުން ވަކިކުރި ކޮން ސަބަބަކާއި ހުރެ ކަމެއް ޕީސީބީން ބުނެދީފައެއްނުވެއެވެ.
އެޗްޑީސީގެ ޑިރެކްޓަރުންގެ ބޯޑަށް މެންބަރުކަމުގެ މަގާމަށް ޔޫސުފް ވަޙީދު އައްޔަންކޮށްފައިވަނީ 2024 ވަނަ އަހަރުގެ ސެޕްޓެމްބަރު މަހުގެ ތެރޭގައެވެ.
ފާހަގަކޮށްލެވޭ ގޮތުގައި ޔޫސުފް ވަޙީދަކީ އެސްއެމްއީ ޑިވެލޮޕްމަންޓް ފައިނޭންސް ކޯޕަރޭޝަން (އެސްޑީއެފްސީ) ގެ ޗީފް އިންޓަރނަލް އޮޑިޓަރުގެ މަގާމު ވެސް ފުރުއްވަމުން ގެންދަވާ ބޭފުޅެކެވެ.
