މާލެ ސިޓީ ކައުންސިލުގެ މި އަހަރުގެ ފުރަތަމަ ރައްޔިތުންގެ ބައްދަލުވުން މިރޭ ބޭއްވުމަށް އެ ކައުންސިލުން ނިންމައިފިއެވެ.
މި ބައްދަލުވުން އޮންނާނީ މިރޭ 08:30 ގައި ލޮނުޒިޔާރަތް ޕާކުގައި ކަމަށް މާލެ ސިޓީ ކައުންސިލުން ބުނެއެވެ.
މި ބައްދަލުވުމަކީ މާލޭ ސިޓީގެ ކުރީގެ މޭޔަރު އަދި މިހާރު ރައީސް ޑރ. މުޙައްމަދު މުޢިއްޒު، މޭޔަރުކަމުގެ މަޤާމުން އިސްތިއުފާ ދެއްވުމަށްފަހު ރައީސްކަމާ ހަވާލުވެވަޑައިގެންނެވި ފަހުން ސިޓީ ކައުންސިލުން ބާއްވާ ފުރަތަމަ ރައްޔިތުންގެ ބައްދަލުވުމެވެ.
ރައީސް މުޢިއްޒު މޭޔަރުކަމުގެ މަޤާމުގައި ހުންނެވިއިރު، ރައްޔިތުންގެ ބައްދަލުވުންތައް ކުރިއަށް ގެންގޮސްފައި ވަނީ ރައްޔިތުންގެ ޚިޔާލާއި މަޝްވަރާ އާއެކު, އެ ފަރާތްތަކުން ބޭނުންވާ ކަންކަން ހިއްސާ ކުރުމުގެ ފުރުޞަތު ހުޅުވާލައިގެން ކަމަށްވާއިރު، އެ ބައްދަލުވުންތަކަކީ ކާމިޔާބު ބައްދަލުވުންތަކެއް ކަަމަށް ސިޓީ ކައުންސިލުން ސިފަކޮށްފައިވެއެވެ.
