ޔަހޫދީ އިޒްރޭލުގެ ސިފައިން ރޭ ޣައްޒާއަށް ދިން ވައިގެ ހަމަލާތަކުގައި 4 މުސްލިމުން ޝަހީދުކޮށްލާފައި ވާކަމަށް ޣައްޒާގެ ޞިއްޙީ އޮފިޝަލުން ބުނެފިއެވެ.
ރޭ ޣައްޒާގެ ދެކުނުން ޚާން ޔޫނިސް ސަރަހައްދުގެ ޕޮލިސް ޕޯސްޓެއް ކައިރީގައި އެކަކު ޝަހީދުލޮށްލާފައި ވާއިރު، މެދުތެރޭ ޣައްޒާގެ ދެއިރް ބަލަހްގައި ހުންނަ އަލްއަޤްޞާ ހޮސްޕިޓަލު ކައިރީގައި އާއްމުން ކައްކާ ތަނަކަށް ދިން ވައިގެ ހަމަލާގައި ވަނީ މަދުވެގެން 3 މީހުން ޝަހީދުކޮށްލާފައެވެ.
އީރާނަށް ހަމަލާދިނުން މިފަހުން ހުއްޓާލައި ފާއިތުވި ހަފްތާ ތަކުގައި އިޒްރޭލުން އަނެއްކާވެސް ޣައްޒާގައި ހަމަތާލަތައް ވަނީ އިތުރުކުރަން ފަށާފައެވެ. ރިޕޯޓުތަކުން ދައްކާ ގޮތުގައި މިދިޔަ އަހަރުގެ އޮކްޓޯބަރު މަހު ޣައްޒާގައި ހަމަލާބަދަލުކުރުން މަޑުޖައްސާލާފައިވާކަމަށް ބުނި ނަމަވެސް އިޒްރޭލު ލަޝްކަރުން ދަނީ އަދިވެސް މެދުނުކެނޑި ހަމަލާތައް ކުރިއަށް ގެންދަމުންނެވެ.
