އިދިކޮޅު މައި ޕާޓީ އެމްޑީޕީގެ އެތެރޭގެ އިންތިހާބުގައި އެ ޕާޓީގެ ޗެއަރޕާސަން ކަމަށް ވާދަކުރައްވާ ކުރީގެ ރައީސް މުޙައްމަދު ނަޝީދަށް ވޯޓުދޭންވީ ފުލުހުންގެ ބެރިކޭޑުތައް ފަޅައި ފުލުހުންގެ ވާޖިބަށް ހުރަސް އަޅާތީ ކަމަށް ގަލޮޅު އުތުރު ދާއިރާގެ ކުރީގެ މެންބަރު އީވާ ޢަބްދުﷲ ވިދާޅުވެއްޖެއެވެ.
އީވާ މި މޭރުމުން ވިދާޅުވީ ކުރީގެ ތިން ރައީސުންގެ ބައްދަލުވުމަށްފަހު ރޭ ކުރިއަށްގެންދިޔަ މުޒާހަރާގެ ވީޑިއޯ ކްލިޕަކާއެކު މީސް މީޑިއާގައި ހިއްސާކުރެއްވި ޕޯސްޓެއްގައެވެ. އީވާ ވިދާޅުވި ގޮތުގައި، ކުރީގެ ރައީސް ނަޝީދު ވަނީ ފުލުހުންގެ ބެރިކޭޑުތައް ފަޅާލުމަށްފަހު ކުރިއަށް ނުދިޔުމަށް ގޮވަގޮވައި އޮއްވާ ބެރިކޭޑު ފަޅާލުމަށްފަހު ކުރިއަށް ގޮސްފައެވެ.
ހުރަސް ނާޅާށޭ ގޮވަ ގޮވާ އޮއްވާ އެ ފަޅާލީ.
އެ ފަޅާލީ ބެރިކޭޑް.
ރައީސް @MohamedNasheed އެ ފަޅާލީ ބެރިކޭޑް.#ކީއްވެއަންނި#AnniforChair #VoteAnni pic.twitter.com/B3JYOrxfU3
— Eva Abdulla (@evattey) May 16, 2026
އަދި މިއީ ކާމިޔާބީއެއްގެ ގޮތުގައި ސިފަކުރައްވައި އީވާ ވަނީ އެކަމަށް ހިތްވަރު ވެސް ދީފައެވެ. އެގޮތުން އީވާ ވަނީ، ”އެ ފަޅާލީ ބެރިކޭޑު، ރައީސް ނަޝީދު އެ ފަޅާލީ ބެރިކޭޑު، މި މޭރުމުން ވިދާޅުވެ ޕޯސްޓެއް ހިއްސާކުރައްވައިފައެވެ. އަދި މިއީ ނަޝީދަށް ވޯޓުދޭންޖެހޭ ސަބަބެއް ކަމަށް ދޭހަވާ މޭރުމަކުން އީވާ ވަނީ ވާހަކަދައްކަވައިފައެވެ.
ފާހަގަކޮށްލެވޭ ގޮތުގައި ކުރީގެ ރައީސް ނަޝީދަކީ ފުލުހުންނަށް އަނިޔާ ކުރުމަށް އެހެން ފަރާތްތަކަށް ވެސް ވަރަށް ބޮޑަށް ބާރުއަޅުއްވައި އަދި މާޒީގައި އެފަދަ ކަންކަން ކުރެއްވި ބޭފުޅެއްގެ ގޮތުގައި ވަނީ ފާހަގަކުރެވިގެން ގޮސްފައެވެ.
