މިދިޔަ ބުރާސްފަތި ދުވަހު ރެސްކިއު އޮފިޝަލުން ވިދާޅުވި ގޮތުގައި، އިންޑިއާގެ އުއްތަރު ޕްރަދޭޝްއަށް ބޯކޮށް ވާރޭވެހި، ގަނޑުފެން ފޭބުމާއެކު އައިސްފައިވާ ބާރުގަދަ ތޫފާނެއްގައި 100 އަށްވުރެ ގިނަ މީހުން ވަނީ މަރުވެފައެވެ.
މޫސުމީ ވިއްސާރައިގެ ކުރިން، މާރޗް މަހުން ފެށިގެން ޖޫން މަހުގެ ނިޔަލަށް ހުންނަ ހޫނު މޫސުމުގައި މިފަދަ ތޫފާންތަކަކީ އެ ގައުމުގެ އުތުރުގެ ސްޓޭޓްތަކުގައި އާންމު ކަމެކެވެ. ނަމަވެސް ބުދަ ދުވަހު އައި މި ތޫފާނުގައި 59 މީހަކަށް އަނިޔާވެ، 87 ގެއަކަށް ގެއްލުންވެ، 114 ގެރިބަކަރި މަރުވެފައިވާ ކަމަށް ކަމާބެހޭ ފަރާތްތަކުން ބުނެއެވެ.
އެ ސްޓޭޓްގެ ރިލީފް ކޮމިޝަނަރުގެ އޮފީހުގެ އޮފިޝަލެއް ކަމަށްވާ ހްރިޝިކޭޝް ބާސްކަރް ޔަޝޮދް ރޮއިޓާސްއަށް މައުލޫމާތު ދެމުން ބުނެފައިވަނީ، ގާތްގަނޑަކަށް 12 ޑިސްޓްރިކްޓަކުން މަދުވެގެން 104 މީހުން މަރުވެފައިވާ ކަމަށެވެ.
ބޮޑުވަޒީރު ނަރެންދުރަ މޯދީގެ ބާރަތިޔާ ޖަނަތާ ޕާޓީ (ބީޖޭޕީ) އަށް ނިސްބަތްވާ ޗީފް މިނިސްޓަރު ޔޯގީ އަދިތްޔަނާތު ވަނީ، ހާލުގައި ޖެހިފައިވާ މީހުންނަށް އެހީތެރިކަން ފޯރުކޮށްދިނުމަށާއި 24 ގަޑިއިރުގެ ތެރޭގައި މާލީ އެހީތެރިކަން ބެހުމަށް އޮފިޝަލުންނަށް އަމުރު ކޮށްފައި ކަމަށް ކަމާބެހޭ ފަރާތްތަކުން ބުނެއެވެ.
