ސޫރިޔާގެ ދެކުނު ދަރްޢާ ޕްރޮވިންސްގެ ސިޔާސީ ސަލާމަތާބެހޭ ކުރީގެ ވެރިޔާ އަދި ބައްޝާރުލް އަސަދުގެ ދެބެންގެދެދަރި ބްރިގޭޑިއާ ޖެނެރަލް އާތިފް ނަޖީބު ވަނީ މިއަދު ދިމިޝްގުގެ ހަތަރުވަނަ ކްރިމިނަލް ކޯޓަށް ކޮެްޓެއްގެ ތެރޭގައި ބަހައްޓައިގެން ހާޒިރުކޮށްފައެވެ.
އާތިފްގެ މައްޗަށް މީހުން މެރުމާއި އަނިޔާކުރުމާއި އަދި ޤަތުލުޢާއްމުތައް ހިމެނޭހެން މަދުވެގެން 10 ކުށެއްގެ ދައުވާ އުފުލައި، ޝަރީއަތުގެ ދެވަނަ އަޑުއެހުން ވަނީ މިއަދު ބާއްވާފައެވެ.
އޭނާގެ މައްޗަށް ތުހުމަތު ކުރެވެނީ 2011 ވަނަ އަހަރު ސޫރިޔާގައި ފެށުނު ރިވޮލިއުޝަންނާއި ގުޅިގެން، ދަރްޢާގައި ސަރުކާރާ ދެކޮޅަށް މުޒާހަރާކުރި މީހުންނާ ދެކޮޅަށް ހިންގި އަނިޔާވެރި އަމަލުތައް ސީދާ ބެލެހެއްޓި ކަމަށެވެ. މިއީ ސޫރިޔާގައި 14 އަހަރަށް ދެމިގެންދިޔަ ހަނގުރާމަ ފެށުމަށް މެދުވެރިވި ސަބަބެވެ.
އަލްޖަޒީރާ ނޫހުން ރިޕޯޓުކޮށްފައިވާ ގޮތުގައި އާތިފާއި ދެކޮޅަށް 75 މީހަކު މައްސަލަ ހުށަހަޅާފައިވާއިރު، އެމީހުން ކޯޓުގައި ހެކިބަސް ދޭނެ ކަމަށް ބެލެވެއެވެ.
އަދި ބައްޝާރާއި އަސަދާއި އޭނާގެ ކޮއްކޮ މާހިރުގެ ޝަރީއަތް ކުރިއަށްދަނީ އެމީހުންގެ ޣައުރު ހާޒިރުގައެވެ. އަސަދު ޑިސެމްބަރު 2024 ގައި ރަޝިޔާއަށް ފިލައިގެން ގޮސްފައިވާއިރު، އޭނާގެ އަރިސް ގިނަ ބަޔަކުވެސް ވަނީ ސޫރިޔާ ދޫކޮށް ފިލާފައެވެ.
