ތެހެރާން / ވޮޝިންގޓަން – ގަލްފު ސަރަޙައްދުގައި ހިނގަމުންދާ އަސްކަރީ ކުރިމަތިލުންތަކުގެ ނުރައްކާތެރިކަން އިތުރުވެ، އެމެރިކާއިން އީރާނުގެ އުޅަނދަކަށް ދިން ސީދާ ޙަމަލާއެއްގައި ބަޔަކު ޒަޚަމްވެއްޖެއެވެ. އަލް ޖަޒީރާއިން ރިޕޯޓުކޮށްފައިވާ ގޮތުގައި، އީރާނުގެ ލެންގޭ ބަނދަރުގެ ގަވަރުނަރު ވަނީ ހޮރްމޫޒް ކަނޑުއޮޅީގައި ހިނގި މި ހާދިސާގައި 6 މީހަކު ޒަޚަމްވެ، އިތުރު 6 މީހަކު ގެއްލިފައިވާކަން ކަށަވަރުކޮށްދެއްވާފައެވެ.
ގެއްލުނު މީހުން ހޯދުމުގެ މަސައްކަތް މިހާރު ކަނޑުމަތީގައި ކުރިއަށްދާއިރު، ދެ ޤައުމުގެ ކަނޑުގެ ސިފައިން އެ ސަރަޙައްދުގައި ޙަރަކާތްތެރިވަމުން ދިއުމުގެ ސަބަބުން މީހުން ސަލާމަތްކުރުމުގެ އޮޕަރޭޝަނަށް ވަނީ ހުރަސްތަކަކާ ކުރިމަތިވެފައެވެ.
