ހުސްވެފައިވާ ރައްޔިތުންގެ މަޖިލީހުގެ ހިތަދޫ އުތުރު ދާއިރާގެ ބައި-އިލެކްޝަނަށް ކުރިމަތިލާފައިވާ ދެ ކެނޑިޑޭޓުންގެ ނަންބަރު ތަރުތީބުކޮށްފިއެވެ.
އިންތިހާބާ ބެހޭ މަރުކަޒުގައި ބޭއްވި ރަސްމިއްޔާތުގައި މި އިންތިހާބަށް ހުޅުވާލުމުން ކުރިމަތިލި ދެ ކެނޑިޑޭޓުންގެ މެދުގައި މިއަދު ވަނީ ގުރުއަތު ނަގާފައެވެ.
ކެނޑިޑޭޓް ނަންބަރު އެކެއް ލިބުނީ ވެރިކަން ކުރާ ޕާޓީ ޕީޕަލްސް ނޭޝަނަލް ކޮންގްރެސް، ޕީއެންސީގެ ކެންޑިޑޭޓް އަހުމަދު ސައީދު (ސޮޑާ) އަކަށެވެ. އިދިކޮޅު ޕާޓީ މޯލްޑިވްސް ޑިމޮކްރެޓިކް ޕާޓީ، އެމްޑީޕީގެ ކެނޑިޑޭޓް އަބްދުﷲ ސޯދިގަށް ލިބުނީ ކެނޑިޑޭޓް ނަންބަރު ދޭކެވެ.
ޕީއެންސީގެ ޓިކެޓު ސައީދަށް ލިބުނީ ޕްރައިމަރީ ކާމިޔާބު ކުރެއްވި އެ ދާއިރާގެ ކުރީގެ މެންބަރު މުހައްމަދ ސިނާން ޓިކެޓު ދޫކޮށްލެއްވުމުންނެވެ.
އިލެކްޝްންސް ކޮމިޝަނުން ރައްޔިތުންގެ މަޖިލީހުގެ ހިތަދޫ އުތުރު ދާއިރާގެ ބައި-އިލެކްޝަން ބޭއްވުމަށް ނިންމާފައިވަނީ އަންނަ މަހުގެ 6 ވަނަ ދުވަހުއެވެ
ރައްޔިތުންގެ މަޖިލީހުގެ ހިތަދޫ އުތުރު ދާއިރާގެ ގޮނޑި ހުސްވެފައިވަނީ، އެ ދާއިރާގެ ކުރީގެ މެންބަރު ސިނާންގެ މައްޗަށް ސާބިތު ދަރަންޏެއް ސާބިތުވާކަމަށް ސްޕްރީމް ކޯޓުން ކުރި ހުކުމާއެކުގައެވެ.
