މާލޭ ބޮޑުތަކުރުފާނު މަގު، ޓޯ ޔާޑު ކައިރީގައި ފުލުސް ކާރަކާއި ސައިކަލެއް ޖެހި ނުރައްކާތެރި އެކްސިޑެންޓެއް ހިނގައިފިއެވެ.
މި ހާދިސާ ހިނގާފައިވަނީ 2026 މެއި 5 ވާ އަންގާރަ ދުވަހުގެ ރޭގެ ވަގުތެއްގައެވެ. ބޮޑުތަކުރުފާނު މަގުން ދުއްވާފައި ދިޔަ ފުލުހުންގެ ކާރަކާއި ސައިކަލެއް ޖެހި ހިނގި މި އެކްސިޑެންޓްގައި، ސައިކަލު ދުއްވަން އިން މީހާއަށް ވަނީ އެކިވަރުގެ އަނިޔާތައް ލިބިފައެވެ.
އެކްސިޑެންޓްގައި އަނިޔާވި މީހާ އަށް އިތުރު ފަރުވާ ދިނުމަށްޓަކައި(އައި.ޖީ.އެމް.އެޗް) އަށް ގެންގޮސްފައިވާއިރު، އެމީހާއަށް މިހާރު ދަނީ އެ ހޮސްޕިޓަލުގައި ފަރުވާ ދެމުންނެވެ.
މި ހާދިސާއާ ގުޅިގެން ބަލަންޖެހޭ ކަންކަން ބަލައި، މި މައްސަލަ ފުލުހުން މިހާރު ގެންދަނީ އިތުރަށް ތަހުގީގު ކުރަމުންނެވެ.
