ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒާއި، އެމަނިކުފާނުގެ އަނބިކަނބަލުން މެޑަމް ސާޖިދާ މުޙައްމަދު، ސްރީލަންކާއަށް ކުރެއްވި ފުރަމާނަ ދަތުރުފުޅު ކާމިޔާބުކަމާއެކު ނިންމަވާލެއްވުމަށްފަހު މިއަދު އެނބުރި ރާއްޖެ ވަޑައިގަންނަވައިފިއެވެ.
ރައީސުލްޖުމްހޫރިއްޔާގެ ދެކަނބަލުން ސްރީލަންކާއަށް ކުރެއްވި މި ދަތުރުފުޅަކީ އެ ޤައުމުގެ ރައީސް އަނޫރާ ކުމާރާ ދިސާނާޔަކަގެ ދަޢުވަތަކަށް ކުރެއްވި ރަސްމީ ފުރަމާނަ ދަތުރުފުޅެކެވެ. ރައީސް އޮފީހުން ހާމަކުރައްވާފައިވާ ގޮތުގައި، މި ދަތުރުފުޅަކީ ދެ ޤައުމުގެ ދެމެދުގައި އޮތް ޒަމާންވީ ބަދަހި ގުޅުން އައު ހަރުފަތަކަށް ގެންގޮސްދިން މުހިންމު ދަތުރުފުޅެކެވެ.
His Excellency President Dr @MMuizzu and First Lady @sajidhaamohamed depart Colombo, Sri Lanka, following the successful conclusion of the State Visit undertaken at the invitation of His Excellency President @anuradisanayake.
The visit marked a significant milestone in the… pic.twitter.com/SiVRRyIHjU
— The President's Office (@presidencymv) May 6, 2026
މި ދަތުރުފުޅު ނިންމަވާލައްވަމުން ރައީސުލްޖުމްހޫރިއްޔާ ދެއްވި މެސެޖެއްގައި ވިދާޅުވީ، މި ދަތުރުފުޅަކީ ރާއްޖެއާއި ސްރީލަންކާއާ ދެމެދު އޮތް ގާތް ގުޅުން އިތުރަށް ވަރުގަދަކުރުމަށް ލިބުނު މުހިންމު ފުރުޞަތެއް ކަމަށެވެ. އަދި ސްރީލަންކާގެ ސަރުކާރާއި ރައްޔިތުންގެ ފަރާތުން އެމަނިކުފާނުގެ ދެކަނބަލުންނަށާއި ވަފުދަށް ވިދާޅުވި ހޫނު މަރުޙަބާއާއި ބެހެއްޓެވި ގާތްކަމަށްޓަކައި އިޚްލާޞްތެރިކަމާއެކު ޝުކުރު އަދާކުރެއްވިއެވެ.
މި ދަތުރުފުޅުގެ ތެރެއިން ރައީސުލްޖުމްހޫރިއްޔާ ވަނީ ސްރީލަންކާގެ ރައީސް އަނޫރާ ކުމާރާ ދިސާނާޔަކައާއި ބޮޑުވަޒީރު ޑރ. ހަރިނީ އަމަރަސޫރިޔާއާ ބައްދަލުކުރައްވައި، ދެ ޤައުމަށް ފައިދާހުރި އެކި ދާއިރާތަކުން މަޝްވަރާކުރައްވާފައެވެ. ރައީސް ވިދާޅުވީ މި މަޝްވަރާތަކުގެ ސަބަބުން ދެ ޤައުމުގެ ރައްޔިތުންގެ ލާބަޔާއި މަންފާއަށްޓަކައި ކުރެވޭ މަސައްކަތްތައް އިތުރަށް ހަރުދަނާވެގެންދާނެ ކަމުގެ ފުރިހަމަ އިތުބާރު އެބައޮތް ކަމަށެވެ.
සාර්ථක රාජ්ය සංචාරයක් නිම කරමින් ශ්රී ලංකාවෙන් පිටත්ව යන මේ අවස්ථාවේදී, මාලදිවයින සහ ශ්රී ලංකාව අතර පවතින සමීප හා දිගුකාලීන සබඳතා තවදුරටත් ශක්තිමත් කිරීමට නව අධිෂ්ඨානයක් සමඟ මම පිටත්ව යමි.
මට, මගේ බිරිඳට සහ මගේ දූත පිරිසට ලබාදුන් උණුසුම් ආගන්තුක සත්කාරය සහ මිත්රත්වය වෙනුවෙන්… pic.twitter.com/eaC2njI1OW
— Dr Mohamed Muizzu (@MMuizzu) May 6, 2026
ރައީސުލްޖުމްހޫރިއްޔާގެ ދެކަނބަލުން ދަތުރުފުޅު ނިންމަވާލައްވައި ފުރާވަޑައިގެންނެވިއިރު، ސްރީލަންކާ ސަރުކާރުގެ އިސް ބޭފުޅުން ވަނީ އެއަރޕޯޓުން އެދެކަނބަލުންނަށް އަލްވަދާޢު ކިޔުއްވާފައެވެ. މި ދަތުރުފުޅަކީ ރާއްޖެއާއި ސްރީލަންކާއާ ދެމެދު އޮންނަ ޚާރިޖީ ގުޅުން އިތުރަށް ބަދަހިވެ، ދެ ޤައުމުގެ އެކުވެރިކަން ދެމެހެއްޓުމަށް އެޅުނު މުހިންމު ފިޔަވަޅެކެވެ.
