މާލެ ސިޓީ ކައުންސިލަށް ނަގާފައިވާ ކޮންސަލްޓަންޓުންގެ މައުލޫމާތާއި ނަން ބޯޑުގެ ހަރަދުތަކުގެ ތަފްސީލް ދޭން މާލެ ސިޓީ ކައުންސިލުން ދެކޮޅު ހަދައިފިއެވެ.
މާލެ ސިޓީ ކައުންސިލްގައި އެމްޑީޕީގެ 15 ކޮންސަލްޓަންޓުން ތިބި ކަމަށް މޭޔަރު އާދަމް އާޒިމް ވަނީ މީގެ ކުރިން ވިދާޅުވެފައެވެ.
”އެކި މީޑިއާ“ އިން ވާނީ ތިން ކަމެއްގައި މައުލޫމާތު ހޯދަން މާލެ ސިޓީ ކައުންސިލަށް އާރްޓީއައި ލާފައެވެ.
ފުރަތަމަ އާރްޓީއައި
- 23 ޖެނުއަރީ 2024 އިން ފެށިގެން 9 އޭޕްރީލް 2026 ގެ ނިޔަލަށް މާލޭސިޓީ ކައުންސިލްގެ އެކި މަސައްކަތްތަކަށް ނެގިފައިވާ ކޮންސަލްޓަންޓުންގެ އަދަދާއި އެކަމަށް ހޭދަކުރި ނުވަތަ ހޭދަވާ ހަރަދާއި ހުރިހާ ކޮންސަލްޓަންޓުންގެ ވަނަވަރާއި މުސާރަ އާއި އިނާޔަތްތަކުގެ ތަފްސީލާއި ކޮންސަލްޓަންޓުން ކުރާ މަސައްކަތްތަކުގެ ތަފްސީލާއި މިހާރު ވަޒީފާގައި ނެތް ނަމަވެސް 23 ޖެނުއަރީ 2024 ގެ ފަހުން ނެގި ހުރިހާ ކޮންސަލްޓަންޓުންގެ މައުލޫމާތު ހިއްސާކުރުމަށް
ދެވަނަ އާރްޓީއައި
- މާލެ ސިޓީ މަގުތަކުގައި ހަރުކޮށްފައިވާ (މަގުތަކަށް ކިޔާ ނަން) ބޯޑުތައް ހަދަން ހަވާލުކުރި ކޮންޓްރެކްޓަރުގެ ނަމާއި މަސައްކަތް ހަވާލުކުރި އަގާއި މުޅި މަޝްރޫޢުގެ ތަފްސީލާއި މިހާތަނަށް ކޮންޓްރެކްޓަރަށް ހަރަދުވި ފައިސާގެ ތަފްސީލުގެ އިތުރުން މި ބޯޑުތައް ފުރަތަމަ ހަރުކުރިއިރު ބޯޑުތަކުގައި ނުބައިކޮށް ނަންޖަހާފައި ހުރުމުން، އަލުން ބޯޑުތައް ހެދުމަށް ދިޔަ ހަރަދުގެ ތަފްސީލް
މާލެ ސިޓީ ކަައުންސިލުން އެ ދެ އާރްޓީއައިއަށް ޖަވާބު ދިނުމުގެ ބަދަލުގައި ވަނީ ޖަބާވު ދޭ މުއްދަތު 14 ދުވަހަށް އިތުރުކޮށްފައެވެ.
”އެކި“ އަށް އެނގިފައިވާ ގޮތުގައި އެ ދެ އާރްޓީއައިގެ މުއްދަތު އިތުރުކުރީ ސީދާ މޭޔަރު އާދަމް އާޒިމް އަންގަވައިގެންނެވެ. އަދި އެކަން ކުރީ އެ މައުލޫމާތުތައް އާއްމުންނަށް ހާމަވިޔަ ނުދިނުމަށް ކަން އެނގިފައިވެއެވެ.
”އެކި“ އަށް އެނގިފައިވާ ގޮތުގައި ނަން ބޯޑުތައް ހަދަންވެސް މާލެ ސިޓީ ކައުންސިލްގެ ބަޖެޓުން އެތައް މިލިއަނެއް ހޭދަކުރިއެވެ. އަދި ކޮންސަލްޓަންޓުންނަށް މުސާރައިގެ ގޮތުގައި 30،000-50،000ރ އާ ދެމެދުގެ އަދަދެއް ދެއެވެ.
ތިންވަނަ ކަމަކަށް ”އެކި“ އިން އެދިފައިވާނީ 23 ޖެނުއަރީ 2024 އިން ފެށިގެން 23 ޖެނުއަރީ 2026 ގެ ނިޔަލަށް މާލޭސިޓީ ކައުންސިލުން ކުރިއަށް ގެންދަން ނިންމި މަޝްރޫޢުތަކުގެ ތެރެއިން މިހާތަނަށް ކުރިއަށް ގެންދެވިފައިވާ މަޝްރޫޢުތަކާއި، ކުރިއަށްދާ އަދި އެއްކޮށް ނިމިފައިވާ މަޝްރޫޢުތަކުގެ ތަފްސީލަށެވެ. އަދި އެކަމަށް ހޭދަކުރި، އަދި ހޭދަވާ ޚަރަދު، (އެޑްވާންސަށް ފައިސާ) ދައްކާފައިވާނަމަ އެ ތަފްސީލްތަކާއެކު މި މަސައްކަތްތައް ނުވަތަ މަޝްރޫޢުތައް ހަވާލުކުރެވިފައިވާ ކުންފުނިތަކުގެ ނުވަތަ ކޮންޓްރެކްޓަރުންގެ ތަފްސީލަށްވެސް ”އެކި“ އިން ވާނީ މާލޭސިޓީ ކައުންސިލުގައި އެދިފައެވެ. މި މަޢުލޫމާތު ހާމަކުރަން ބާކީ އޮތީ 6 ދުވަހެވެ. ބެލެވޭ ގޮތުގައި މި 6 ދުވަސް ހަމަވުމުން މާލޭސިޓީ ކައުންސިލުން ދެވަނަ ފަހަރަށް މުއްދަތު އިތުރުކުރާނެއެވެ.
ތިއާޒިމަކީ މަޢަޢްމިހާތަނަޢްފެނުނު އެންމެކޮރަޕުޓުމީހާ