އެމެރިކާގެ އަސްކަރީ ބާރުވެރިކަމުގެ ނުފޫޒު ކުޑަވެ، ދުނިޔޭގެ އިގްތިސާދަށް ލޮޅުން އަރުވާލާފައިވާ އެމެރިކާ-އީރާން ހަނގުރާމައަށް ދާއިމީ ހައްލެއް ހޯދުމަށް އެޅި އައު ފިޔަވަޅެއްގެ ގޮތުން، އީރާނުން އެމެރިކާއަށް 14 ނުކުތާގެ މައްޗަށް އެކުލެވޭ ހުށަހެޅުމެއް އިއްޔެ ވަނީ ހުށަހަޅާފައެވެ.
އީރާނުގެ ތަސްނީމް ނިއުސް އެޖެންސީން ބުނާ ގޮތުގައި، މި 14 ނުކުތާގެ ޕްލޭނަކީ އެމެރިކާއިން ކުރިން ހުށަހެޅި 9 ނުކުތާގެ ޕްލޭނަށް ދިން ރައްދުގައި ހުަށަހެޅި ޕްލޭނެކެވެ. ކާން ނިއުސްއިން ރިޕޯޓްކޮށްފައިވާ ގޮތުގައި، ރައީސް ޓްރަމްޕު ވަނީ އީރާނުގެ މި އައު ހުށަހެޅުން މުރާޖައާ ކުރުމަށްފަހު އެއަށް އިންކާރު ކޮށްފައެވެ. އަދި އަސްކަރީ ހާލަތު ކުރިއަށްދަނީ ”ވަރަށް ރަނގަޅަށް“ ކަމަށް އޭނާ ބުނެފައިވެއެވެ.
ދެ ފަރާތުގެ މެދުގައި މަޝްވަރާތައް ކުރިއަށްދާ ގޮސް، ތިން ހަފުތާއަށް އިއުލާންކުރި ހަމަލާބަދަލުކުރުން ހުއްޓާލުމުގެ އެއްބަސްވުމަށް އަމަލުކުރެވެމުންދިޔަ ނަމަވެސް ”އޮޕަރޭޝަން އެޕިކް ފިއުރީ“ ފެށުމުގެ ކުރިން ފެނުނު ފަދައިން، މިއަދު އެމެރިކާގެ އެއަރފޯސް ޓްރާންސްޕޯޓް ބޯޓުތަކުގެ ގިނަ ހަރަކާތްތަކެއް ވަނީ ފާހަގަކުރެވިފައެވެ.
