ވާރޭ ވެހި މާލޭ ސިޓީގެ މަގުތަކުގައި ފެންބޮޑުވަމުން ދާތީ މަގުތަކުން ފެން ހިންދުމުގެ މަސައްކަތް މޯލްޑިވްސް ނެޝަނަލް ޑިފެންސް ފޯސް (އެމްއެންޑީއެފް) އިން ފަށައިފިއެވެ.
މިކަމާ ގުޅިގެން އެމްއެންޑީއެފްއިން އެކްސްގައި ހިއްސާކުރި ޕޯސްޓެއްގައި ބުނެފައިވަނީ، ވާރޭވެހި މާލޭގެ މަގުތަކުގައި ފެންބޮޑުވަމުން ދާތީ، ފެން ހިންދުމުގެ މަސައްކަތުގައި އެމްއެންޑީއެފްގެ ފަޔަރ އެންޑް ރެސްކިޔު ސަރވިސްއިން ހަރަކާތްތެރިވަމުން އަންނަ ކަމަށެވެ.
ރާއްޖޭގެ އެކި ސަރަހައްދުތަކަށް މި ދުވަސްވަރު އަންނަނީ ވިއްސާރަ ކުރަމުންނެވެ.
އަދި މަގުތަކުގައި ފެންބޮޑުވާ މިފަދަ ހާދިސާތަކުގައި އެމްއެންޑީއެފްއިން އަންނަނީ އާންމުންނަށް އެހީތެރިކަން ފޯރުކޮށްދެމުންނެވެ.
