ސަރުކާރުގެ އެންމެ ބޮޑު އެއް ކުންފުނި، ސްޓޭޓް ޓްރޭޑިންގ އޯގަނައިޒޭޝަން (އެސްޓީއޯ) ގްރޫޕްގެ 2025 ވަނަ އަހަރުގެ އަހަރީ ހިސާބުތައް އާންމުކޮށްފިއެވެ.
އެސްޓީއޯގެ ރަސްމީ ވެބްސައިޓުގައި ޝާއިޢުކޮށްފައިވާ މާލީ ރިޕޯޓުގައިވާ ގޮތުން، 2025 ވަނަ އަހަރު އެ ގްރޫޕަށް ޖުމްލަ އާމްދަނީގެ ގޮތުގައި ލިބިފައިވަނީ 16.68 ބިލިއަން ރުފިޔާއެވެ. މިއީ އޭގެ ކުރީ އަހަރާ އަޅާބަލާއިރު 0.5 އިންސައްތައިގެ ދަށްވުމެކެވެ. އާމްދަނީ ދަށްވުމުގެ މައިގަނޑު ސަބަބުތަކުގެ ގޮތުގައި ފާހަގަކޮށްފައިވަނީ ދުނިޔޭގެ ބާޒާރުގައި ތެލުގެ އަގު ދަށްވުމާއި، ޝިޕިންގ ވިޔަފާރިން ލިބުނު އާމްދަނީ ދަށްވުމެވެ.
ނަމަވެސް، ތެލުގެ އާމްދަނީ ދަށްވި ނަމަވެސް، ވިކުނު ތެލުގެ އަދަދު ވަނީ 8 އިންސައްތަ އިތުރުވެފައެވެ. މީގެ އިތުރުން، އެސްޓީއޯގެ ދަށުން ހިންގާ އިންޝޫރަންސް، ގޭސް އަދި ޓްރޭޑިންގ ވިޔަފާރިތަކުން ވަނީ ބޮޑު ކުރިއެރުމެއް ހޯދާފައެވެ.
Our 2025 Annual Report is here. Marking 25 years as a listed company, this report reflects our commitment to the nation; expanded essential services across Maldives, and a 5 year strategic roadmap to guide what comes next. #EVOLVE2030
Read more: https://t.co/eodM5oNU0f pic.twitter.com/0VCFUWbyV0
— STO (@stoplc) April 30, 2026
މާލީ ހިސާބުތައް ދައްކާގޮތުން، ހިންގުމުގެ ފައިދާގެ ގޮތުގައި އެސްޓީއޯ ގްރޫޕަށް 1.18 ބިލިއަން ރުފިޔާ ލިބިފައިވެއެވެ. އަދި ފައިނޭންސް ކުރުމުގެ ހަރަދު 16 އިންސައްތަ ދަށްވުމާ ގުޅިގެން، ޓެކުހަށް ކެނޑުމުގެ ކުރިން ސާފު ފައިދާގެ ގޮތުގައި 962 މިލިއަން ރުފިޔާ ވަނީ ލިބިފައެވެ. މިއީ ކުރީ އަހަރާ އަޅާބަލާއިރު 4 އިންސައްތައިގެ ކުރިއެރުމެކެވެ.
ދައުލަތަށް ދައްކަންޖެހޭ ޓެކްސް ކެނޑުމަށްފަހު، 2025 ވަނަ އަހަރު އެސްޓީއޯ ގްރޫޕަށް ސާފު ފައިދާގެ ގޮތުގައި ލިބިފައިވަނީ 785 މިލިއަން ރުފިޔާއެވެ. މިއީ 2024 ވަނަ އަހަރާ އަޅާބަލާއިރު 2 އިންސައްތައިގެ ކުރިއެރުމެކެވެ.
މި ނަތީޖާއާ ގުޅިގެން އެސްޓީއޯއިން ވަނީ އެ ކުންފުނީގެ ވިޔަފާރީގެ އެންމެހާ ބައިވެރިންނާއި ކަސްޓަމަރުން ބަހައްޓަވާ ގާތްކަމަށާއި ދެއްވާ އެއްބާރުލުމަށް ނިހާޔަތަށް ޝުކުރު އަދާކޮށްފައެވެ.
