މިއަދު ފާހަގަކުރަމުންދާ ބައިނަލްއަޤްވާމީ މަސައްކަތްތެރިންގެ ދުވަހުގެ މުނާސަބަތުގައި، ރާއްޖޭގެ އެކި ދާއިރާތަކުގައި މަސައްކަތްކުރަމުންދާ ހުރިހާ މަސައްކަތްތެރިންނަށް ރައީސުލްޖުމްހޫރިއްޔާގެ އަނބިކަނބަލުން މެޑަމް ސާޖިދާ މުޙައްމަދު ތަހުނިޔާ ފޮނުއްވައިފިއެވެ.
މި ދުވަހާ ގުޅިގެން އެކަމަނާ ދެއްވި މެސެޖެއްގައި، ދިވެހިރާއްޖޭގެ އެކި ދާއިރާތަކުގެ ކުރިއެރުމަށް މަސައްކަތްތެރިން ކުރަމުންދާ ބުރަ މަސައްކަތްތަކަށްޓަކައި ނުހަނު އިޚްލާޞްތެރިކަމާއެކު ޝުކުރު އަދާކުރައްވައި، އެފަރާތްތަކަށް އޮތް މަތިވެރި އިޙްތިރާމް ހާމަކުރެއްވިއެވެ.
މެޑަމް ސާޖިދާގެ މެސެޖުގައި ވިދާޅުވީ، މަސައްކަތްތެރިންގެ ފަރާތުން ފެންނަނީ ނަމޫނާ ހިތްވަރެއް ކަމަށާއި، ޤައުމުގެ ތަރައްޤީއަށްޓަކައި އެފަރާތްތަކުން ވަމުންދާ ޤުރުބާނީތަކަކީ އަބަދުވެސް ފާހަގަކޮށް، އޭގެ އަގު ވަޒަންކުރަންޖެހޭނެ ކަންކަން ކަމަށެވެ. އަދި މަސައްކަތްތެރިންގެ މި ވަރުގަދަ އަޒުމާއި ހިތްވަރު މިއަދާއި އަބަދުވެސް ފާހަގަކުރައްވާނެ ކަމަށް އެކަމަނާ ވިދާޅުވިއެވެ.
On this #LabourDay, I extend my highest respect and profound gratitude to the workforce contributing to every sector in the Maldives.
We see your sacrifices and celebrate your incredible spirit today and always.
Thank you for building a brighter #Maldives! 🇲🇻 pic.twitter.com/1ccucsryqk
— First Lady Sajidha Mohamed (@sajidhaamohamed) May 1, 2026
މީގެއިތުރުން، ރާއްޖެއަށް އުޖާލާ މުސްތަޤްބަލެއް ބިނާކުރުމުގައި މަސައްކަތްތެރިން އަދާކުރާ މުހިންމު ދައުރަށްޓަކައި އެކަމަނާ ވަނީ ޚާއްޞަ ޝުކުރެއް ދަންނަވާފައެވެ.
މަސައްކަތްތެރިންގެ ދުވަސް ކޮންމެ އަހަރަކުވެސް ފާހަގަކުރަނީ މަސައްކަތްތެރިންގެ ޙައްޤުތައް ހޯދައިދިނުމަށާއި، ޤައުމުގެ އިޤްތިޞާދާއި ތަރައްޤީގައި އެފަރާތްތަކުން ކުރާ ބުރަ މަސައްކަތުގެ އަގު ވަޒަންކުރުމުގެ މަޤްޞަދުގައެވެ. ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ސަރުކާރުންވެސް ދަނީ މަސައްކަތްތެރިންގެ ޙައްޤުތައް ރައްކާތެރިކޮށް، އެފަރާތްތަކަށް ރަނގަޅު މަސައްކަތުގެ މާޙައުލެއް ބިނާކޮށްދިނުމަށް ގިނަ މަސައްކަތްތަކެއް ކުރައްވަމުންނެވެ.
