އިރާނުގެ ބެލިސްޓިކް މިސައިލް ފޮނުވާ ތަންތަނަށް އަމާޒުކޮށް، އެމެރިކާގެ މިހާރުގެ ހަތިޔާރުތަކަށް އަތްނުފޯރާ ހިސާބުގައި ހުރި އަމާޒުތަކަށް ހަމަލާދިނުމަށްޓަކައި، ”ޑާކް އީގަލް“ ނަމަކަށް ކިޔާ ދުރުރާސްތާގެ ހައިޕަރސޮނިކް މިސައިލް މެދުއިރުމައްޗަށް ފޮނުވުމުގެ ހުއްދައަކަށް އެމެރިކާގެ ސެންޓްރަލް ކޮމާންޑުން އެދިއްޖެއެވެ.
ގާތްގަނޑަކަށް 1,725 މޭލު ދުރުން އަމާޒުތަކަށް ވާސިލުވުމުގެ ރާސްތާއެއް ހުންނަ މި މިސައިލަކީ، ވަރުގަދައަށް ދިފާއީ ނިޒާމުތައް ގާއިމުކޮށްފައިވާ ނުވަތަ ކުޑަވަގުތުކޮޅެއްގެ ތެރޭގައި ނައްތާލަންޖެހޭ އަމާޒުތަކަށް ވަރަށް ހަލުވިކަމާއެކު ސީދާ އަމާޒަށް ހަމަލާދިނުމަށް ފަރުމާކޮށްފައިވާ ހަތިޔާރެކެވެ.
މި ހުއްދަ ލިބިއްޖެނަމަ، މިއީ އަދި މުޅިން ތައްޔާރުވެފައިވާ ކަމަށް ރަސްމީކޮށް އިއުލާނުނުކުރާ މި ނިޒާމު އޮޕަރޭޝަނަލް ގޮތެއްގައި ބޭނުންކުރާ ފުރަތަމަ ފަހަރަށް ވެގެންދާނެއެވެ. މިއިން ކޮންމެ މިސައިލަކަށް ގާތްގަނޑަކަށް 15 މިލިޔަން އެމެރިކޤ ޑޮލަރު ހޭދަވާއިރު، މިވަގުތު އެމެރިކާގެ އިންވެންޓަރީގައި ހުރީ މި މިސައިލްގެ މަދު އަދަދެކެވެ.
