ފުވައްމުލަކު ސިޓީގެ މަގު ހެދުމުގެ ދެވަނަ ފިޔަވަހީގެ މަސައްކަތް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އިފްތިތާހު ކޮށްދެއްވައިފިއެވެ.
Ads by MN Maldives
ރައީސް މި މަސައްކަތް އިފްތިތާހު ކޮށްދެއްވީ، ދެކުނުގެ އަތޮޅަކަށް މިހާރު ކުރައްވާ ދަތުރުފުޅުގައި ފުވައްމުލަކަށް ވަޑައިގެންނެވުމަށްފަހުގައެވެ. ދެ އަހަރުގެ ތެރޭގައި ނިންމަން އެމްޓީސީސީއާ ހަވާލުކޮށްގެން ކުރިއަށް ގެންދާ މި މަޝްރޫއުގެ އެއްބަސްވުމުގައި ސޮއިކުރީ މިދިޔަ އަހަރުގެ ޖުލައި މަހުގެ ފަހުކޮޅުގައެވެ.
ފުވައްމުލަކު މަގު ހެދުމުގެ ދެވަނަ ފިޔަވަހީގެ މަސައްކަތުގެ ގޮތުގައި 12.17 ކިލޯމީޓަރުގެ މަގުގައި ތާރު އަޅައި، ފެންހިންދާ ނިޒާމު ގާއިމު ކުރުމުގެ އިތުރުން މަގު ބައްތި ޖެހުމުގެ މަސައްކަތް ކުރިއަށް ދާނެއެވެ. މި މަޝްރޫއުގެ އަގަކީ 255 މިލިއަން ރުފިޔާއެވެ.
