ލ. ގަމު ތުނޑީ އަވަށު ބަނދަރު ސަރަޙައްދުގެ އެއްގަމުގައި އޮތް ދޯންޏެއްގައި އަލިފާން ރޯވެ، އެމްއެންޑީއެފްއިން ހަރަކާތްތެރިވާން ފަށައިފިއެވެ.
މި ހާދިސާއާ ގުޅޭގޮތުން މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް) އިން މަޢުލޫމާތު ދެއްވާ ގޮތުގައި، ލ. ގަމު ތުނޑީ އަވަށު ބަނދަރު ކައިރީ އެއްގަމުގައި އޮތް ދޯންޏެއްގައި އަލިފާން ރޯވެގެން އުޅޭކަމުގެ ރިޕޯޓް ލިބިފައިވަނީ މިރޭ 19:17 ހާއިރުއެވެ.
މި ރިޕޯޓް ލިބުމާއެކު، އެމްއެންޑީއެފް ސެންޓްރަލް އޭރިއާ ކޮމާންޑް، ކައްދޫ ފަޔަރ ސްޓޭޝަނުގެ ސިފައިން ވަނީ އެ ސަރަޙައްދަށް ގޮސް އަލިފާން ނިއްވުމުގެ މަސައްކަތް ފަށާފައެވެ.
ލ.ގަމު ތުނޑީ އަވަށު ބަނދަރުކައިރީ އެއްގަމުގައި ހުރި ދޯންޏެއްގައި އަލިފާން ރޯވެގެން، އެމްއެންޑީއެފް ސެންޓްރަލް އޭރިއާ ކޮމާންޑް، ކައްދޫ ފަޔަރ ސްޓޭޝަނުން ދަނީ ހަރަކާތްތެރިވަމުން. މި ހާދިސާގެ ރިޕޯޓް ލިބިފައިވަނީ މިރޭ 19:17 ހާއިރު. pic.twitter.com/TCWsmtULGA
— Maldives National Defence Force (@MNDF_Official) April 25, 2026
އަލިފާން ރޯވި ދޯންޏަށް ލިބުނު ގެއްލުމުގެ ތަފްސީލެއް އަދި މިހާތަނަށް ލިބިފައެއް ނުވެއެވެ. އަދި މި ހާދިސާގައި އެއްވެސް މީހަކަށް އަނިޔާއެއް ލިބުނު ކަމުގެ މަޢުލޫމާތެއްވެސް އަދި ސާފެއް ނުވެއެވެ.
ކައްދޫ ފަޔަރ ސްޓޭޝަނުގެ ފަޔަރ ފައިޓަރުން މިހާރުވެސް ދަނީ އެ ސަރަޙައްދުގައި އަލިފާން ކޮންޓްރޯލް ކުރުމަށްޓަކައި ހަރަކާތްތެރިވަމުންނެވެ.
