މޯލްޑިވްސް އިމިގްރޭޝަންގެ ޑެޕިއުޓީ ކޮންޓްރޯލަރުގެ މަގާމުގައި ހުންނެވި އަހުމަދު އަޝްފާން ޔޫތު އެންޑް ސްޕޯޓްސް މިނިސްޓްރީގެ ޑެޕިއުޓީ މިނިސްޓަރެއްގެ މަގާމަށް މިއަދު ބަދަލުކޮށްފި އެވެ.
އިމިގްރޭޝަންގެ ޑެޕިއުޓީ ކޮންޓްރޯލަރުކަމަށް އަޝްފާން އައްޔަނުކުރެއްވީ 4 އޭޕްރީލް 2024 ގައެވެ.
އިމިގްރޭޝަން އޮފިސަރެއްގެ ގޮތުގައި އޭނާ ވަނީ 19 އަހަރު ވަންދެން ހިދުމަތް ކޮށްދެއްވައިފަ އެވެ. އެކަމުގެ އަގު އެ އިދާރާއިން މިއަޒު ވަނީ ވަޒަންކޮށްފައެވެ.
އަޝްފާނަކީ ރާއްޖޭގައި އުފެދުނު އެންމެ މޮޅު ފުޓުބޯޅަ ކުޅުންތެރިޔާ އަލީ އަޝްފާގު (ދަގަނޑޭ)ގެ ބޭބެއެވެ. ރާއްޖެއަށް ފުރަތަމަ ފަހަރަށް 2008 ވަނަ އަހަރު ސާފް ޗެމްޕިއަންޝިޕް ކާމިޔާބުކޮށްދިން ގައުމީ ސްކޮޑުގައި ވެސް އަޝްފާން ހިމެނުނެވެ.
ގައުމީ ޓީމުގެ އިތުރުން އަޝްފާން ވަނީ ފުރަތަމަ ޑިވިޝަންގެ ބޮޑެތި ކްލަބުތަކަކަށް ވެސް ކުޅެފައެވެ. އެގޮތުން ވިކްޓަރީ ސްޕޯޓްސް ކްލަބު، ވީބީ ސްޕޯޓްސް ކްލަބު، ބީޖީ ސްޕޯޓްސް ކްލަބު އަދި ކްލަބު ގްރީން ސްޓްރީޓްސް އިން ވެސް އަޝްފާން ފެނިގެންދިޔައެވެ.
