ޗައިނާގެ ސަންޔާގައި ކުރިޔަށްދާ 6 ވަނަ އޭޝިއަން ބީޗް ގޭމްސްގެ، ބީޗް ހޭންޑް ބޯޅަ އިވެންޓުން ރާއްޖެ ކުޅުނު ދެވަނަ މެޗުން ޖޯޑަން އަތުން ބަލިވެއްޖެއެވެ.
މި މުބާރާތުގައި ރާއްޖެއިން ފުރަތަމަ ނުކުތީ ބަންގްލަދޭޝްއާ ދެކޮށެވެ. އެ މެޗު ޕެނަލްޓީގައި ރާއްޖެއިން ވަނީ 1-2 ސެޓުން ކާމިޔާބުކޮށްފައެވެ.
ދެވަނަ މެޗުގައި ރާއްޖެއިން މިއަދު މެންދުރުފަހު ޖޯޑަންއާ ދެކޮޅަށް ކުޅުނު މެޗު އެ ގައުމުން ކާމިޔާބުކުރީ ސީދާ ދެ ސެޓުންނެވެ. ޖޯޑަންއިން ފުރަތަމަ ނިކުތީ ތައިލޭންޑާއި ދެކޮޅަށެވެ. އެ މެޗު ތައިލޭންޑުން ގެންދިޔައީ 2-0 ސެޓުންނެވެ.
މި މުބާރާތުގައި ރާއްޖެއިން ދެން އެންމެ އަވަހަށް ނިކުންނާނީ މޮންގޯލިއާއާއި ދެކޮޅަށެވެ. އެ މެޗު އޮންނާނީ އަންނަ ބުރާސްފަތި ދުވަހެވެ. މި މުބާރާތުގައި ރާއްޖެ ހިމެނެނީ ގުރޫޕް ބީގައެވެ. މި ގުރޫޕްގައި ދެން ހިމެނެނީ އޮމާން، ޕާކިސްތާން، ބަންގްލަދޭޝް، ތައިލޭންޑް، ގަތަރު އަދި މޮންގޯލިއާއެވެ.
