މަސްވެރިކަން ކުރާ އޮޑިދޯނިފަހަރުތަކަށް ރާއްޖޭގެ ހުރިހާ ހިސާބަކުން ހެޔޮ އަގުގައި ތެޔޮ ލިބޭނެ އިންތިޒާމް ހަމަޖައްސައިފިއެވެ.
މިކަން ހާމަކޮށް ފިޝަރީޒް މިނިސްޓްރީން އެކްސްގައި ހިއްސާކުރި ޕޯސްޓެއްގައި ބުނީ، މަސްވެރިކަން ކުރާ ހުރިހާ އޮޑިދޯނިފަހަރަށް 22 އޭޕްރީލް 2026 އިން ފެށިގެން އެސްޓީއޯ ޝެޑް ރޭޓުގައި ތެޔޮ ލިބޭނެ އިންތިޒާމު ސަރުކާރުން ހަމަޖެއްސުމަށް ނިންމާފައިވާ ކަމަށެވެ. އެގޮތުން ފަހި ހަކަތައިގައި ރަޖިސްޓްރީވެފައިވާ ދޯނިތަކަށް ސަބްސިޑައިޒް އަގުގައި 13 ރަށަކުން ތެޔޮ ލިބޭނެ އިންތިޒާމު މިހާރު ހަމަޖެހިފައިވާ ކަމަށް އެ މިނިސްޓްރީން ވަނީ ބުނެފައެވެ.
މަސްވެރިކަން ކުރާ ހުރިހާ ދޯނިފަހަރަށް 22 އޭޕްރީލް 2026 އިން ފެށިގެން އެސްޓީއޯ ޝެޑް ރޭޓުގައި ތެޔޮ ލިބޭނެ އިންތިޒާމް ސަރުކާރުން ހަމަޖައްސައިފި.
ފަހި ހަކަތައިގައި ރަޖިސްޓްރީ ވެފައިވާ ދޯނިތަކަށް ސަބްސިޑައިޒް އަގުގައި ތިރީގައި ބަޔާންކޮށްފައިވާ ރަށްރަށުން ތެޔޮ ލިބޭނެ އިންތިޒާމް… pic.twitter.com/KBcOXtbF7Y
— Min of Fisheries, Agriculture and Ocean Resources (@MFAORmv) April 21, 2026
ސަބްސިޑައިޒް އަގުގައި ތެޔޮ ލިބޭނެ ރަށްތަކަކީ:
- ހއ. އިހަވަންދޫ
- ހދ. ހަނިމާދޫ
- ށ. މިލަންދޫ
- ބ. އޭދަފުށި
- ފ. ނިލަންދޫ
- ރ. ދުވާފަރު
- ދ. ކުޑަހުވަދޫ
- ކ. ހިންމަފުށި
- ޅ. ފެލިވަރު
- ސ. ހުޅުމީދޫ
- ގއ. ކޫއްޑޫ
- ކ. ހިންމަފުށި
- ހުޅުމާލޭ ޖެޓީ
ފާހަގަކޮށްލެވޭ ގޮތުގައި ސަރުކާރުން އަންނަނީ މަސްވެރިންނަށް ދިމާވާ ގޮންޖެހުންތައް ހައްލުކޮށްދިނުމަށް މަސައްކަތްތަކެއް ކޮށްދީ، މަސްވެރިން އެދޭ ގޮތަށް ކަންކަން ކޮށްދެވޭނެ ގޮތްތަށް ހޯދައި ބަލަމުންނެވެ.
