ކުރިއަށް އޮތް 20 ވަނަ ރައްޔިތުންގެ މަޖިލިހުގެ އިންތިހާބުގައި ދަ ޑިމޮކްރޭޓްސްގެ ފަރާތުން ވާދަކުރާނެ ކެންޑިޑޭޓުން ކަނޑައެޅުމަށް ބޭއްވި ޕްރައިމަރީ، މަޖިލިހުގެ މަޑަވެލި ދާއިރާގެ މެމްބަރު ހުސެއިން ފިރުޝާން އާއި މާލެ ސިޓީ ކައުންސިލްގެ ގަލޮޅު އުތުރު ދާއިރާގެ ކައުންސިލަރު މުހައްމަދު ސައިފް ފާތިހް ކާމިޔާބު ކުރައްވައިފިއެވެ.
Ads by MN Maldives
ފިރުޝާން ވާދަކުރައްވަނީ ހުޅުމާލެ ދެކުނު ދާއިރާއަށެވެ. އަދި ސައިފް ވާދަކުރެއްވީ ހެންވޭރު ދެކުނު ދާއިރާއަށެވެ.
ސައިފް ހެންވޭރު ދެކުނު ދާއިރާގެ ޓިކެޓް ކަށަވަރު ކުރެއްވީ އަހުމަދު އަޝްވަން ނުއުމާނު އާ ވާދަކޮށް ތިން ވޯޓު ތަފާތުންނެވެ. އެގޮތުން، އަހުމަދު އަޝްވަން ނުއުމާނު އަށް 12 ވޯޓު ލިބިފައިވާއިރު ސައިފަށް ލިބިވަޑައިގަތީ 15 ވޯޓެވެ.
