ޔުނިސެފްގެ ރަސްމީ ވެބްސައިޓުގައި ބުނެފައިވާ ގޮތުގައި މިއަދު ހެނދުނު ޣައްޒާގެ އުތުރުން މަންޞޫރާ ވޯޓާ ފިލިންގް ޕޮއިންޓު ކައިރީގައި އިޒްރޭލު ސިފައިން ބަޑިޖެހުމުގެ ސަބަބުން ވަނީ ޔުނިސެފްގެ ކޮމްޓްރެކްޓުގެ ދަށުގައިވާ 2 ފެންއުފުލާ ޓްރަކު ޑްރައިވަރުން މަރުވެފައެވެ.
”ޣައްޒާ ސްޓްރިޕުގައިވާ އާއިލާތަކަށް ސާފު ބޯފެން ފޯރުކޮށްދިނުމަށް ކޮންޓްރެކްޓު ހަދާފައިވާ 2 ޓްރަކު ޑްރައިވަރުން މަރާލުމާއިމެދު ޔުނިސެފުން ނުރުހުން ފާޅުކުރަން“، އެ ބަޔާނުގައި ބުނެފައި ވެއެވެ.
މިއާއެކު ޔުނިސެފުން ވަނީ މަންޞޫރާ ވޯޓާ ފިލިން ޕޮއިންޓުގައި ދެމުންގެންދިޔަ ހިދުމަތްތައް މުއްދަތެއް ނެތްގޮތުގައި ހުއްޓާލާފައެވެ. މީގެ ސަބަބުން އެތައް ހާސް ބަޔަކަށް ފެނުގެ ދަތިކަން ކުރިމަތިވާނެކަމަށް ލަފާކުރެވެއެވެ.
މީގެ ކުރިން ޣައްޒާ ސަރުކާރުގެ އޮފީހުންވެސް ވަނީ އިޒްރޭލުން ސިސްޓަމެޓިކް ގޮތެއްގައި ރާވައިގެން ޣައްޒާގެ މުސްލިމުން ބަނޑަށް ޖައްސަމުންދާކަމަށް ތުޙުމަތުކޮށްފައެވެ.
