މާލޭ ޓެކްސީ ލައިންގެ ވެބްސައިޓް ތައާރަފުކޮށް، ދަތުރުތަކުގެ އަގު ނަގަން ފަށައިފިއެވެ.
މިކަން ހާމަކޮށް މޯލްޑިވްސް ޓްރާންސްޕޯރޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ) އިން އެކްސްގައި ހިއްސާކުރި ޕޯސްޓެއްގައި ބުނެފައިވަނީ، މާލޭ ޓެކްސީ ލައިންގެ ވެބްސައިޓާއެކު ކަސްޓަމަރުންނަށް ފަސޭހަކަމާއިއެކު ޓެކްސީ ބުކްކުރުމުގެ އިންތިޒާމު މިހާރު ހަމަޖެހިފައިވާ ކަމަށެވެ. އެހެންކަމުން ޓެކްސީ ދަތުރުތަކުން އަގު ނަގަން ފެށިގެންދާނެކަމަށް އެ ކުންފުނިން ވަނީ ބުނެފައެވެ.
Booking and paying for your ride with Malé Taxi Line is quick and easy! 🚕
Use the link below and follow the steps in this post to book and pay in just a few clicks:
🔗 https://t.co/gGbPzIYWTkPrefer to call? Dial 1655 to book and pay.
Enjoy a seamless, convenient, and… pic.twitter.com/yxXZbWJk7S
— MTCC Plc (@MTCCPlc) April 17, 2026
މާލޭ ޓެކްސީ ލައިންގެ ވެބްސައިޓާއެކު ދަތުރުތައް ބުކްކުރުމާއި ފައިސާ ދެއްކުމުގެ ކަންކަން މަދު ސިކުންތުކޮޅެއްގެ ތެރޭގައި މިހާރު ނިންމައިލެވޭނެއެވެ. އެގޮތުން http://mtl.mtcc.mv ލިންކަށް ވަނުމަށް ފަހު ވެބްސައިޓްގައި ދީފައިވާ އިރުޝާދުތަކާއި އެއްގޮތަށް ކުރިއަށް އަމަލުކުރުމުން ދަތުރު ބުކްކޮށް ފައިސާ ދައްކާލުމަކީ އެހައި އުނދަގޫ ކަމެއް ނޫނެވެ.
ވެބްސައިޓްގެ އިތުރުން މާލެ ޓެކްސީގެ ހޮޓްލައިން ނަންބަރު 1655 އަށް ގުޅައިގެން ވެސް ޓެކްސީ ބުކްކޮށްލެވޭނެއެވެ.
ޖުމުލަ 150 ކާރާއެކު ފެށި މި ހިދުމަތުގެ ސަބަބުން ދަތުރުފަތުރުގެ ނިޒާމަށް އިންގިލާބީ ބަދަލެއް އަންނާނެކަމަށް އެމްޓީސީސީން ދެކެއެވެ. އެގޮތުން މި ހިދުމަތާއެކު މާލޭގެ އެތެރޭގެ ދަތުރުތަކަށް ޓެކްސީ ނުލިބޭ މައްސަލައަށް ދާއިމީ ހައްލެއް ލިބިގެންދާނެކަމަށް އެމްޓީސީސީން ވަނީ ބުނެފައެވެ. މި ދަތުރުތަކަށް ނަގާނީ ޓްރާންސްޕޯރޓު މިނިސްޓްރީން ރަސްމީކޮށް ކަނޑައަޅާފައިވާ އަގެވެ.
