މަކަރާއި ހީލަތުން ހޯދި ގިނަ އަދަދެއްގެ ފައިސާ ފުލުހުންގެ މަސައްކަތުން ވެރިފަރާތަށް އަނބުރާ ހޯދައިދީފިއެވެ.
ހުޅުމާލެ ފޭސް 2 ގެ ޕޮލިސް ސްޓޭޝަނަށް 2026 އެޕްރީލް 10 ވަނަ ދުވަހު ހުށަހެޅުނު 400،000 ދިވެހި ރުފިޔާ މަކަރާއި ހީލަތުން ހޯދާފައިވާ މައްސަލައެއް ދިވެހި ފުލުހުންގެ ޚިދުމަތުން ދަނީ ތަހުގީގު ކުރަމުންނެވެ.
ފުލުހުންބުނީ މި ޝަކުވާ ލިބުމާ ގުޅިގެން ފުލުހުން ވަނީ ތުހުމަތު ކުރެވޭ ފަރާތާ ސުވާލުކޮށްފައި ކަމަށާއި، އެ ފަރާތުން ވަނީ ފައިސާއާ ހަވާލުވި ކަމަށް އިއުތިރާފުވެފައިކަމަށެވެ.
މި މައްސަލައިގައި ހިމެނޭ ދެ ފަރާތުގެ މެދުގައި ކުރެވުނު މަޝްވަރާތަކަށްފަހު، ބަހާލައިގެން ފައިސާ ދެއްކުމަށް އެއްބަސްވެފައިވާކަމަށް ފުލުހުން ބުނެއެވެ. މިގޮތުން، މި ފައިސާ މިހާރު ވަނީ އެއްކޮށް ދައްކައި ނިންމާފައި ކަމަށްވެއެވެ.
ފައިސާގެ މުއާމަލާތްތައް ހިންގުމުގައި ސަމާލުވުމަށް ދިވެހި ފުލުހުންގެ ޚިދުމަތުން ވަނީ އިލްތިމާސްކުރައްވާފައެވެ.
