ހއ. ތަކަންދޫގެ ކަރަންޓުގެ މައްސަލައަށް ދާއިމީ ޙައްލެއްގެނައުމުގެ ގޮތުން ސަރުކާރުން ފަށާފައިވާ މަޝްރޫޢުގެ ތެރެއިން އެރަށަށް ގެންދިޔަ އާ ޖެންސްޓް އިންސްޓޯލް ކުރުމަށްފަހު، ޚިދުމަތް ދޭން ފަށާފައިވާ ކަމަށް ފެނަކަ ކޯޕަރޭޝަނުން ބުނެފިއެވެ.
ތަކަންދޫ ނޫނަސް އަތޮޅުތެރޭގެ ބައެއް ރަށްރަށަށް ދިމާވެފައިވާ އެންމެ ބޮޑު އެއް މައްސަލައިގެ ގޮތުގައި ކަރަންޓުގެ މައްސަލަތައް ހިމެނޭއިރު، މި މައްސަލަތަކަށް ދާއިމީ ޙައްލު ހޯދުމަށް ސަރުކާރުން އަންނަނީ، މުހިންމު މަސައްކަތްތަކެއް ކުރަމުންނެވެ. އެގޮތުން އާބާދީ ކުޑަ ރަށްރަށާއި، އާބާދީ ބޮޑު ސިޓީތަކުގައިވެސް ކަރަންޓު ކެޕޭސިޓީ އިތުރު ކުރުމުގެ މަސައްކަތް ސަރުކާރުން އަންނަނީ، ކުރަމުންނެވެ.
އެގޮތުން ހއ. ތަކަންދޫގައި މިހާރުވަނީ އާ ޖެންސެޓެއް އިންސްޓޯލް ކުރުމަށްފަހު ބޭނުންކުރަން ފަށާފައެވެ. ތަކަންދޫގައި އިތުރުވަމުން އަންނަ އާބާދީއާއެކު ކަރަންޓަށް އޮންނަ ޑިމާންޑުވެސް އަންނަނީ، އިތުރުވަމުންނެވެ. އެރަށުގައި އިންސްޓޯލް ކުރި އާ ޖެންސެޓާއެކު އެރަށުގެ ކަރަންޓުގެ މައްސަލަތަކަށް ޙައްލެއް ލިބިގެންދާނެ ކަމަށް ފެނަކައިން ބުނެއެވެ.
ހއ. ތަކަންދޫގެ ކަރަންޓުގެ ޚިދުމަތް ރަނގަޅު ކުރުމަށްޓަކައި ގެނައި އައު ޖެންސެޓް މިހާރު ވަނީ އިންސްޓޯލުކޮށް ނިމި، ޚިދުމަތް ދޭން ފަށާފައި#TeamFenaka pic.twitter.com/9s1gDck5hL
— Fenaka Corporation Ltd (@TeamFenaka) April 17, 2026
ތަކަންދޫއަށް ގެންދިޔަ 250 ކިލޯވޮޓުގެ އާ ޖެންސެޓް އިންސްޓޯލްކޮށް ބޭނުންކުރަން ފެށުމާ ގުޅިގެން ފެނަކަ ކޯޕަރޭޝަންގެ ތަކަންދޫ ބްރާންޗުގެ މެނޭޖަރ އަބްދުﷲ ރަޝީދު މީޑިއާތަކަށް މައުލޫމާތު ދެއްވަމުން ވިދާޅުވީ، ތަކަންދޫގައި އާ ޖެންސެޓެއް އިންސްޓޯލްކޮށް ބޭނުން ކުރުމަކީ، ރަށަށް ދިމާވެފައިވާ ކަރަންޓުގެ މައްސަލައަށް ބޮޑު ޙައްލެއް ލިބިގެންދާނެ ކަމެއް ކަމަށެވެ.
ތަކަންދޫގައި އާ ޖެންސެޓެއް އިންސްޓޯލްކޮށް ބޭނުންކުރަން ފަށާފައިވަނީ، މި ހިނގާ އޭޕްރީލް މަހުގެ 2ވަނަ ދުވަހުގައެވެ.
