ޕްރޮސިކިއުޓާ ޖެނެރަލް ހުސެން ޝަމީމަށް މިއަދު މަގުމަތިން ބަޔަކު ހަމަލާދީފިއެވެ.
Ads by Midnight Munch MV
ފުލުހުން ބުނީ މި ހަމަލައާ ގުޅިގެން ޝަމީމް މިހާރު ގެންދަވަނީ އޭޑީކޭގައި ފަރުވާ ހޯއްދަވަމުން ކަމަށެވެ. މައުލޫމާތު ލިބިފައިވާ ގޮތުގައި ހަމަލާދީފައިވަނީ ޝަމީމްގެ އަތަށެވެ. ޕީޖީ ޝަމީމުގެ ހާލު ރަނގަޅު ކަމަށް ވެސް މައުލޫމާތު ލިބެއެވެ.
ޝަމީމަށް ހަމަލާ ދިނީ ތޫނު އެއްޗަކުން ކަމަށް ސޯޝަލް މީޑިއާގައި ބުނި ނަމަވެސް މިހާތަނަށް ބެލި ބެލުމުން ހަމަލާ ދީފައިވަނީ ތޫނު އެއްޗަކުން ނޫން ކަމަށް ފުލުހުން ބުނެއެވެ. ނަމަވެސް މިކަމާ ގުޅޭ އިތުރު މައުލޫމާތެއް މިހާތަނަށް ފުލުހުން ހާމައެއް ނުކުރެއެވެ.
