ރައްޔިތުންގެ މަޖިލީހުންއެއްވެސް ސަބަބެއް ނުދައްކައި ރުހުން ނުދޭން ފާސްކުރި މި ސަރުކާރުގެ ކެބިނެޓުގެ 3 ވަޒީރުން އަލުން އެ މަގާމަށް އައްޔަންކުރައްވައި މަގާމުގެ ފަތްކޮޅު، ރައީސް ޑރ. މުޙައްމަދު މުޢިއްޒު އަރުވައިފިއެވެ.
އިއްޔަ ބޭއްވި ޖަލްސާގައި ރުހުން ނުދޭން މަޖިލީހުގައި މެޖޯރިޓީ އޮތް އެމްޑީޕީ އާއި ޑިމޮކްރެޓްސް އިން ނިންމީ
- އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދް
- ހައުސިން މިނިސްޓަރު ޑރ. އަލީ ހައިދަރު
- އެޓާނީ ޖެނަރަލް އަހުމަދު އުޝާމް
3 ވަޒީރުން އަލުން މަގާމަށް އައްޔަން ކުރެއްވީ ރައީސް އޮފީހުގައި އިއްޔަ ހިނގާ ރަސްމިއްޔާތުގައެވެ.
މަޖިލީހުން ކެބިނެޓް މިނިސްޓަރުންނަށް ރުހުން ދޭން ފާސްވާނީ މަދުވެގެން 35 ވޯޓު ލިބިގެންނެވެ. އެކަމަކު އެމްޑީޕީ އާއި ޑިމޮކްރެޓްސް އެއްބައިވެ، އެ ތިން ވަޒީރުންނަށް ރުހުން ނުދޭނެކަން ވޯޓުގެ ކުރިން ވެސް އޮތީ އިއުލާންކޮށްފައެވެ.
