19 ވަނަ ރައްޔިތުންގެ މަޖިލީހުގެ ދައުރުން ބޭރުން ބާއްވާ ޖަލްސާ އަންނަ އާދިއްތަ ދުވަހަށް އެޖެންޑާކޮށްފިއެވެ.
Ads by Midnight Munch MV
މި ޖަލްސާ ބާއްވަން ހުށަހަޅާފައި ވަނީ 38 މެމްބަރުންގެ ސޮޔާ އެކުއެވެ. މިއީ އެމްޑީޕީއާއި ޑިމޮކްރެޓްސްއިން އެދުމުން ބާއްވާ ޖަލްސާއެކެވެ.
މި ޖަލްސާގެ އެޖެންޑާގައި ކެބިނެޓަށް ރުހުންދިނުމުގެ މަސައްކަތުގެ އިތުރުން އިންތިހާބާ ބެހޭ އާންމު ގާނޫނަށް އެމްޑީޕީ އިން މިއަދު ހުށަހެޅި އިސްލާހު ހިމެނެއެވެ.
އެމްޑީޕީ އާއި ދަ ޑިމޮކްރެޓްސް ގުޅިގެން ސަރުކާރު ޖަވާބުދާރީ ކުރުވަން ނިންމައި އެކަން މިއަދު ވަނީ އިއުލާން ކުރައްވާފައެވެ.
މަޖިލިސް ޗުއްޓީއަށް ދިޔައީ މިދިޔަ ޑިސެމްބަރު މަހުއެވެ. ޗުއްޓީއަށް ދިޔައީ އާ ސަރުކާރުގެ ވަޒީރުންނަށް ރުހުން ދިނުމުގެ މައްސަލައިގައި ގޮތެއް ނުނިންމައެވެ.
