ޖިންސީ ފުރައްސާރައިގެ މައްސަލައަކާ ގުޅިގެން މީހަކު ހޯދުމަށް ފުލުހުން މިއަދު ވީޑިއޯއެއް އާންމުކޮށް، އެ މީހާ ދެނެގަތުމަށް އާންމުންގެ އެހީތެރިކަމަށް އެދިއްޖެއެވެ
ފުލުހުން ހާމަކުރި ގޮތުގައި، ވީޑިއޯއިން ފެންނަ މީހާއަކީ ހުޅުމާލެ ފޭސް 2 ޕޮލިސް ސްޓޭޝަނުން ތަހުގީގު ކުރަމުންދާ ޖިންސީ ފުރައްސާރައިގެ މައްސަލައަކާ ގުޅިގެން ހޯދަން ބޭނުންވާ މީހެކެވެ.
މި މައްސަލައަކީ ހުޅުމާލެ ދެވަނަ ފިޔަވަހީގައި ހިނގާފައިވާ ހާދިސާއަކާ ގުޅިގެން ތަހުގީގު ކުރަމުންދާ މައްސަލައެއް ނަމަވެސް، އެއީ ކާކުކަން މިހާތަނަށް ކުރި މަސައްކަތުން ދެނެގަނެވިފައި ނުވާތީ، އޭނާ ހޯދުމުގައި ވަނީ ދަތިތަކަކާ ކުރިމަތިވެފައެވެ.
ފުލުހުން ވަނީ އެ މީހާއާ ބެހޭ އެއްވެސް މައުލޫމާތެއް ލިބިފައިވާ ފަރާތެއް ވާނަމަ، ލަސްނުކޮށް އެ މައުލޫމާތު ހިއްސާކޮށްދިނުމަށް އެދިފައެވެ. އެގޮތުން، ވީޑިއޯއިން ފެންނަ މީހާއާ ބެހޭ އެއްވެސް މައުލޫމާތެއް ލިބިފައިވާނަމަ، ހުޅުމާލެ ފޭސް 2 ޕޮލިސް އިންވެސްޓިގޭޝަންގެ ނަންބަރު 9393351 އަށް ގުޅުއްވައި އެ މައުލޫމާތު ހިއްސާކުރެއްވުމަށް ފުލުހުން އިލްތިމާސްކުރެއެވެ.
